«Proınflıasııalyq táýekelderdiń kúsheıýin eskersek, Qazaqstannyń ınflıasııa boljamy ósý jaǵyna qaraı qaıta qaralýda. Bıyl naýryzda Qazaqstanda ınflıasııa 12%-ǵa deıin jedeldep, 2016 jylǵy qyrkúıekten bastap eń joǵary mánge jetti», dedi Vıtalıı Týtýshkın Májilistiń jalpy otyrysy barysynda.
Onyń aıtýynsha, azyq-túlik taýarlary ınflıasııaǵa erekshe áser etken, mundaǵy baǵa ósimi 15,4%-ǵa deıin jedeldegen.
«Naýryzda biz áleýmettik mańyzy bar azyq-túlik taýarlarynyń birden qymbattap ketkenin baıqadyq, bul Reseıden ımporttaýǵa tyıym salý aıasynda birqatar azyq-túlik taýarynyń defısıtine baılanysty oryn aldy. Sonyń áserinen naýryzdyń ekinshi aptasynda azyq-túlik taýarlary baǵasy 5,6%-ǵa ósti. Osydan keıin áleýmettik mańyzy bar azyq-túlik taýarlary baǵasynyń apta ishindegi ósimi naýryzdyń sońǵy aptasynda 1,3%, sáýirdiń birinshi jáne ekinshi aptasynda qatarynan 0,9% bolyp, birtindep turaqtana bastady», dedi V. Týtýshkın.
