«Men onyń ata-anasymen kezdestim. Qys mezgilinde aýa raıynyń qolaısyzdyǵyna baılanysty izdeýdi ýaqytsha toqtattyq. Biz qazir ýtılızasııa jumystaryn bastadyq. Sáıkesinshe osy «áskerı qyzmetshiniń súıegin» dep aıtqym kelmeıdi, jalpy izdestirý jumystary jalǵasýda. Ol tipti jarylystyń epısentrinde bolsa da, eshteńe qalmaýy múmkin emes qoı. Qandaı da bir nátıje shyqsa, habarlaımyz», dedi R. Jaqsylyqov.
Mınıstr onyń otbasyna balalaryn habar-osharsyz mert boldy dep tanýdy usynǵanyn aıtqan.
«Sonda áleýmettik tólemder beriler edi. Qarýly Kúshter tarapynan tólemder bolar edi. Biraq otbasyn da jaqsy túsinemiz jáne izdeýdi jalǵastyramyz. Izdeý jumystaryn bizben qatar ishki ister organdary da júrgizip jatyr», dedi R. Jaqsylyqov.
Eske salsaq, 26 tamyz kúni Jambyl oblysynyń Baızaq aýdanynda oq-dári qoımasy jarylǵan edi.
