Stýdentter 27 eldiń ekologııalyq problemalardy sheshýdegi sheshimderi týraly baıandady. Árkim ózine belgilengen memlekettiń ustanymyn jaqsy jaǵynan kórsetip, tıimdiligin dáleldeýge tyrysty. Aıtalyq, M.Nárikbaev atyndaǵy KazGIýÝ stýdenti Qazyna Músirkep Danııa memleketiniń qorshaǵan ortany qorǵaý mınıstri rólinde, CO2 shyǵaryndylaryn azaıtý úshin kóbirek ekologııalyq qurylysty qosý týraly bastama kóterdi. Qatysýshynyń oıynsha, bul ekoúılerde jańartylatyn energııa kózderi paıdalanylady jáne bolashaqta tabıǵatty ǵana emes, aqshany da únemdeıdi. Iskerlik oıynǵa qatysqan 27 stýdent klımattyń ózgerýi, jańa tehnologııalardyń artyqshylyqtary men kemshilikteri, «jasyl» qarjylandyrý», ınnovasııalar, sondaı-aq joǵaryda atalǵandardyń bárin paıdalanýdyń saldary sııaqty faktorlar tóńireginde ózderiniń sheshimderin jáne dálelderin usyndy.
Is-sharada sóz alǵan Eýropalyq odaqtyń Qazaqstan Respýblıkasyndaǵy elshisi Kestýtıs Iаnkaýskas:
– Biz «Eýropalyq odaqtyń ustanymy» degen sózdi jıi estımiz. Búgin biz bul ustanymnyń qalaı ázirlenetinin kórsetkimiz keldi. Árbir mınıstr keńes sheńberinde óz memleketiniń múddelerin qorǵaıdy jáne bul múddelerdiń qararda qanshalyqty eskeriletini soǵan ǵana baılanysty bolady. Bul – úlken jaýapkershilik. Biz ekologııa taqyrybyn tańdadyq. Sebebi bul tek Eýropalyq odaq elderi úshin ǵana emes, Qazaqstan jáne Ortalyq Azııanyń basqa elderi úshin de mańyzdy. О́ıtkeni klımattyń ózgerýi barlyǵymyzǵa qatysty. Biz úshin mańyzdy, al stýdentter úshin, bolashaq urpaq úshin odan da mańyzdy, – dedi.
О́tkizilgen pikirtalastyń qorytyndysy boıynsha qatysýshylar oıyn barysynda aıtylǵan barlyq ıdeıa men usynysty qamtıtyn qarar qabyldady.
