Qazaqstan • 22 Sáýir, 2022

Ulttyq quryltaı – qoǵamdyq únqatysýdyń jańa modeli

169 ret kórsetildi

Qazaqstandyq qoǵamdyq damý ınstıtýtynyń alańynda Ulttyq quryltaıdyń róli men mańyzyna arnalǵan Sarap eksperttik klýbynyń otyrysy ótti.

Otyrysqa qatysqan Par­lament Májilisiniń depýtattary, saıasattanýshylar men sarap­shylar Ulttyq quryltaıdyń erek­sheligi men mańyzyna toqta­lyp, óz pikirlerin ortaǵa saldy.

Memleket basshysy halyqqa Jol­daýynda Ulttyq qoǵamdyq senim keńesi óz mindetin tabys­ty atqarǵanyn aıtyp, onyń ornyna quramy jaǵynan aýqymdy Ulttyq quryltaı qurýdy usyn­ǵany belgili.

Jıyn moderatory – Qazaq­standyq qoǵamdyq damý ınstı­týtynyń basqarma tóraǵasy Qazbek Maıgeldınov jańa ınstı­týttyń róli men mindetteri erek­she ekenin jáne Jańa Qazaq­stan­dy qurýda tarıhı mańyzǵa ıe dep atap ótti.

Jańadan jasaqtalyp jat­qan uıym­nyń mańyzy men qajettiligi, baǵyty týraly Má­jilis depýtaty, Ulttyq qo­ǵam­­dyq senim keńesiniń múshesi Edil Jań­byrshın aıtyp berdi.

«Qoǵamda úlken transformasııa júrip jatyr. Qańtar oqıǵasynan keıin halyq elimizdiń damýyn surap otyr. Qańtar oqıǵasynda alańǵa shyqqan jan­dar qoǵamda qordalanǵan saıası, áleý­me­ttik-ekonomıkalyq máse­lelerdiń ba­ryn aıtty. Ha­lyqtyń úni bılikke jete ber­meıdi, bılik halyqtyń bar­lyq máse­lesin sheshe bermeıdi. Sondyqtan tyǵy­ryq­qa tireldik. Quryltaıdy qurmas buryn onyń maqsaty, ózge qury­lym­dar­dan aıyrmashylyǵy, mindetteri, sany men sa­pasy qandaı degen suraqtarǵa jaýap berip, kún tártibine shyǵatyn máse­le­ler men qaı ýaqytta ótetinin anyq­tap alýy­myz kerek. Maqsaty – Qazaq­stan hal­qyn alańdatatyn másele­lerdi tal­qylap, solardy sheshýi kerek dep oı­laımyn. Máselen, partııa arnaıy bir top­tyń múddesin qorǵaıdy, maqsaty – bı­­likke kelý. Al quryltaı el ishinde qor­da­lanyp, sińiri shyqqan máselelerdi kóterýge ıtermeleıdi», dedi Májilis depýtaty.

Ulttyq quryltaı quramy týraly Májilisiniń depýtaty Erlan Saırov ta sóz aldy. «Eń negizgi másele – geosaıası ahýaldyń mem­leketterdiń ishki máselesine áser etip jatqanyn kórip otyrmyz. Dúnıe júzinde qundylyqtar qaq­tyǵysy bolyp jatyr. Ulttyq quryl­taı syrtqy oqıǵalardyń elimiz­degi ahýalǵa áserin azaıtyp, ártúrli saıası kózqarastaǵy jan­dardyń basyn qosý­dy kózdeýi kerek. Bizdiń ustany­my­myz, keıbir máse­lege qatysty pikiri­miz bas­qa­sha bolǵanymen, ortaq qun­dy­ly­ǵymyz – Qazaqstannyń táýel­sizdigin saqtap qalýda biri­gýimiz kerek. Eń aldy­men, áleý­mettik ádiletsizdik, ekono­mı­ka­daǵy monopolııa sekildi ózekti máse­lelerdi sheship almaı, qoǵamdy tutastaı biriktirý múmkin emes», dedi Ulttyq qoǵamdyq senim keńesiniń múshesi E.Saırov.

Májilis depýtaty Saıasat Nurbek Ulttyq quryltaıdyń elimizde jańa saıası mádenıet qalyptastyrýda mańyzdy ról oınaıtynyn atap ótti. «Jańa Qazaqstandy jańa qaǵıdattar men jańa jumys formattarynan bastaý kerek. Ulttyq quryl­taı ınstıtýtyn qurý barlyq ult­tyq joba men strategııa­lyq qujattardy ashyq talqylaý­dy qamtamasyz etýge múmkin­dik beredi. Bul – memleket pen jurtshylyqtyń el damýynyń neǵurlym tıimdi modelin ázirleý boıynsha ortaq jumysy», dep atap ótti S.Nurbek.

Ulttyq senim keńesiniń múshe­si, Qazaq­stan halqy Assambleıasy hatshy­lyǵy meńgerýshisiniń orynbasary Indıra Rystına halyq pen bıliktiń arasynda dıalog ornatatyn ınstıtýttar týraly másele kóterdi. «Qoǵam men halyq arasynda ózderin memlekettiń azamaty retinde emes, memlekettik qyzmetti tutynýshy retinde qarap otyrǵandar bar. Bul eki uǵym­nyń aıyrmashylyǵy bar. Azamat memlekettiń damýy úshin óz úlesin qosýǵa tyryssa, tutynýshy memleket maǵan ne beredi degen oımen ómir súredi. Osy ótpeli kezeńde ashyq dıalog ornatýǵa tyrysatyn demokratııalyq ınstıtýttardyń mańyzy zor. Ulttyq senim keńesi, Ulttyq quryltaı sekildi qoǵamdyq keńester osy róldi atqarady», dedi ol.

Sarapshylar Ulttyq qu­ryl­taı qoǵamdyq dıa­logtyń biryń­ǵaı modelin qalyp­tasty­ryp, bılik pen halyq arasyn baılanystyrýshy kópirge aınalýǵa tıis, sondaı-aq ol jalpyulttyq dıalogtyń shekarasyn keńeıtedi degen pikir bildirdi.

 

Sońǵy jańalyqtar

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Uqsas jańalyqtar