Qazaqstan aýmaǵynyń basym bóligi áli de sıklon men atmosferalyq fronttardyń yqpalynda bolady. Saldarynan jańbyr jaýady, respýblıkanyń batysynda nóser jaýyn jaýady.
Tek respýblıkanyń soltústiginde antısıklon áserinen jaýyn-shashynsyz aýa raıy saqtalady. Respýblıka boıynsha jel kúsheıedi, naızaǵaı oınaıdy, soltústikte jáne shyǵysta – tuman, ońtústikte – daýyl, kúndiz shańdy daýyl, batysta – burshaq jaýýy múmkin.
Batys Qazaqstan oblysynyń batysynda, ońtústiginde burshaq jaýady, soltústiginde tuman túsedi, oblystyń shyǵysynda, batysynda jel ekpini 15-20 m/s deıin kúsheıedi. Atyraý oblysynyń soltústiginde, ońtústiginde naızaǵaı kezinde jel qarqyny 15-20 m/s jetedi. Mańǵystaý oblysynyń soltústiginde, shyǵysynda jeldiń kúshi - 15-20 m/s.
Kúndiz Túrkistan oblysynyń soltústiginde, batysynda, taýly aımaqtarda daýyl turady, oblystyń soltústiginde shańdy daýyl soǵady. О́ńirdiń soltústiginde, batysynda, taýly aımaqtarynda jel jyldamdyǵy 15-20 m/s deıin kúsheıedi.
Kúndiz Almaty oblysynyń ońtústiginde, taýly aımaqtarynda naızaǵaı kezinde jeldiń kúshi 15-20 m/s jetedi. Kúndiz Qyzylorda oblysynyń ortalyǵynda, Jambyl oblysynyń ońtústik-batysynda, soltústik-shyǵysynda, taýly aımaqtarynda, Soltústik Qazaqstan oblysynyń soltústik-shyǵysynda, Qaraǵandy, Shyǵys Qazaqstan oblysynyń ońtústiginde jel qarqyny - 15-20 m/s. Soltústik Qazaqstan oblysynyń soltústiginde tuman túsedi.
Pavlodar oblysynyń soltústiginde tuman túsedi, kúndiz soltústiginde, shyǵysynda jel ekpini 15-20 m/s jetedi. Aqtobe oblysynyń batysynda, ońtústiginde jel 18 m/s deıin kúsheıedi.
Qostanaı, Aqmola oblysynyń soltústiginde, shyǵysynda tuman túsedi. Qostanaı oblysynyń ońtústik jartysynda, Aqmola oblysynyń ońtústiginde, shyǵysynda jel ekpini - 15-20 m/s.
