Álem • 24 Sáýir, 2022

Beıjińde COVID-19 baılanysty karantın kúsheıtildi

47 ret kórsetildi

Qytaı astanasynyń bıligi COVID-19 juqtyrýdyń taǵy 22 jaǵdaıy anyqtalǵannan keıin, epıdemııaǵa qarsy sharalardy kúsheıtti, dep habarlaıdy Egemen.kz.

«Sońǵy 24 saǵat ishinde Beıjińde koronavırýs juqtyrýdyń 22 jaǵdaıy tirkeldi», delingen Qytaıdyń Gıgıena jáne densaýlyq isteri jónindegi memlekettik komıtetiniń jeksenbi kúni jarııalaǵan esebinde.

COVID-19-ǵa shaldyǵý derekteri kóbeıip otyrǵandyqtan Beıjiń bıligi epıdemııaǵa qarsy sharalardy kúsheıtýde. Senbiden bastap Chaoıan aýdanyndaǵy segiz shaǵynaýdan koronavırýsqa tekserildi.

«Epıdemıologııalyq tekserýdiń aldyn ala nátıjeleri aýrýdyń qazirgi tolqyny shamamen bir apta boıy jasyryn túrde taralyp jatqanyn kórsetti», dedi Beıjiń aýrýlardy baqylaý jáne aldyn alý ortalyǵy basshysynyń orynbasary Pan Sınho senbi kúni brıfıngide.

Qala bıligi megapolıs turǵyndaryn asa qajettilik bolmasa Beıjiń aýmaǵynan shyqpaýǵa, adam kóp jınalatyn oryndarǵa barmaýǵa, COVID-19 juqtyrý qaýpi ortasha jáne joǵary aımaqtarǵa barýdan bas tartýǵa shaqyrady.

«Skrınıngilik sharalar kúsheıtilgendikten, aldaǵy ýaqytta aýrýdyń jańa jaǵdaılary anyqtalýy múmkin», dep túıindedi qytaılyq epıdemıolog.

Resmı derekterge sáıkes, ústimizdegi jyldyń 1 naýryzynan beri Qytaıdyń materıktik aýmaǵynda koronavırýs ınfeksııasynyń barlyǵy 600 myńǵa jýyq jaǵdaıy tirkeldi. Koronavırýstyń jańa tolqynynan Tıbet avtonomııalyq aýdanyn qospaǵanda, Qytaıdyń 31 ákimshilik-aýmaqtyq birliginiń 30-y (provınsııalar, avtonomııalyq aýdandar, ortalyqqa baǵynysty qalalar) zardap shekti. Materıktik Qytaıda epıdemııalyq ahýal kúrdeli kúıinde qalyp otyr. О́tken táýlikte elde ınfeksııanyń 21 796 jaǵdaıy tirkeldi, onyń ishinde tek Shanhaıda – 21 058.



 

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar