Baspasóz qyzmeti málimetinshe, monopolııasyzdandyrý jáne yqtımal shyǵyndy óteý maqsatynda Almaty ákimdigine kompanııa ıelerinen «Almaty spestehparkıng servıs» JShS-niń 70 paıyz mólsherindegi úlesin jáne «Alan Parking» JShS-niń 100 paıyz úlesin qala menshigine qaıtarý týraly usynys túsken.
«Almaty spestehparkıng servıs» JShS biryńǵaı operator retinde qalanyń 5 aýdanynda (Almaly, Bostandyq, Jetisý, Medeý, Túrksib) ornalasqan trotýar turaqtaryna qyzmet kórsetýge mamandanǵan. Ákimdikke osy JShS-niń 30 paıyzy tıesili.
«AlanParking» JShS 3 aýdanda (Alataý, Bostandyq, Jetisý) ornalasqan alańdaǵy avtoturaqtarǵa qyzmet kórsetý jónindegi biryńǵaı operator sanalady. JShS tolyǵymen jeke menshikte boldy», delingen habarlamada.
Almaty ákimdigi qoldanystaǵy zańnamaǵa sáıkes osy kompanııalardaǵy úlesterdi qaıtarý týraly tıisti qaýly qabyldaǵan.
«Búginde aqyly turaq júıesi shtattyq rejımde jumys isteıdi. Qaýlyǵa sáıkes, aqyly turaqtar qyzmetinen túsken barlyq kiris bıyl 25 sáýirden bastap qala bıýdjetine baǵyttalady.
Qazirgi ýaqytta Almaty ákimdigi qalanyń turaq aımaǵyn uıymdastyrý jóninde biryńǵaı operator qurý boıynsha jumysty bastady. Qoldanystaǵy zańnamada belgilengen ruqsat berý qujattaryn alý merzimderin, sondaı-aq monopolııaǵa qarsy organdarmen kelisý qajet ekenin eskere otyryp, biryńǵaı operator 2022 jylǵy 1 tamyzǵa deıin qurylady», delingen habarlamada.
Sondaı-aq Almaty turǵyndarynyń shaǵymdary negizinde servıs sapasyn arttyrý maqsatynda aqyly turaqtar jumysyn jetildirý úshin keshendi sharalar qabyldanatyny aıtyldy.
«Aldaǵy ýaqytta halyqaralyq tájirıbeni qoldana otyryp, qalalyq turaq keńistigin damytý jáne kósheler men aýlalardy abattandyrý úshin aqyly turaqtardan túsetin túsimderdi paıdalaný tujyrymdamasyn ázirleý josparlanyp jatyr. Sondaı-aq jınaqtalǵan problemalardy sheshý úshin qalada kóp deńgeıli turaqtar salýǵa basymdyq beriledi», dedi ákimdik ókilderi.
Qazirgi ýaqytta kompanııa basshylaryna qatysty qylmystyq is qozǵalǵan jáne bıýdjet qarajatyn jymqyrýǵa qatysty tergeý amaldary júrgizilip jatyr.
