Túrkistan oblysy ákiminiń baspasóz qyzmeti taratqan málimetke súıensek, qazirgi tańda, oblys ákiminiń tóraǵalyǵymen arnaıy qurylǵan komıssııa shyǵyn kólemin eseptep jatyr.
Esep-qısap jumystary bitken soń, úı janýarlarynyń shyǵynyna erejege sáıkes ótemaqy tólenedi, turǵyn úıler qaıta qalpyna keltiriledi, ǵımarattar men turǵyn úılerdiń shatyry jóndeledi, sharýashylyq ǵımarattardy retteýge kómek kórsetiledi.
Aıta keteıik, 24 sáýirde Túrkistan oblysy Qazyǵurt, Saryaǵash aýdandarynda jaýyn-shashyn men Kentaý qalasynda qatty jel soǵyp, tabıǵı apat boldy. Sonyń saldarynan 50 adam qaýipsiz aımaqqa kóshirildi. Adam shyǵyny joq.
Aldyn ala eseppen, 53 úıdiń aýlasyna, 19 úıge, 1 meıramhana men 16 ǵımaratqa sý kirgeni anyqtaldy. Sonymen qatar 370 bas mal shyǵyny tirkelip otyr.
