«Eýropalyq komıssııa shengen vızasyn alý prosesin sıfrlandyrýdy usynady. Bul rette vızalyq japsyrmany almastyryp, ótinishti eýropalyq onlaın-vıza platformasy arqyly qashyqtan berý múmkindigin engizý qarastyrylyp otyr. Jańa paktide 2025 jylǵa qaraı vızalyq prosedýrany tolyqtaı sıfrlandyrý maqsaty qoıylǵan», delingen EK málimdemesinde.
EK paıymdaýynsha, bul sheshim «ótinish berýshige vızany naqty baratyn elinen emes, anaǵurlym tezirek rásimdep berýdi usynatyn Shengen kelisimi bar ózge memleketten satyp alýǵa» qajettilik qaldyrmaıdy. Demek vıza alýshynyń ýaqyty men qarajaty únemdeledi.
«Sondaı-aq vıza alý prosesin sıfrlandyrý japsyrmalarǵa qatysty jalǵan jasalý, alaıaqtyq pen urlyq sııaqty yqtımal qaýipterdi qysqartady. Sonymen birge bul qadam Eýroodaqtyń memlekettik qyzmetterdi modernızasııalaý men sıfrlandyrýdy yntalandyrý jónindegi ustanymyna sáıkes keledi», deıdi EK.
Eýropalyq komıssııanyń bul usynysy Eýroparlament jáne Eýroodaq Keńesi tarapynan maquldanýy kerek.
«Sodan keıin múshe memleketterdiń ortaq onlaın-vızalyq platformaǵa aýysýyna 5 jyl ýaqyty bolady. Platforma 2024 jyly jasaqtalyp, 2026 jyly iske qosylýy múmkin. Aýysýǵa beriletin bes jyldyq merzimdi esepke alǵanda, barlyq múshe memleketter ony 2031 jyly qoldana alady», dep habarlaıdy EK.
