«Memleket basshysy halyqtyń áleýmettik osal toptaryn qoldaý úshin arnaıy baǵdarlama ázirleýdi tapsyrǵan bolatyn. Osylaısha, 18 sáýir kúni biz jaldamaly páter aqysyn sýbsıdııalaýǵa ótinimder qabyldaýdy bastap kettik. Alaıda, buǵan deıin baǵdarlamany 2022 jyldyń mamyr aıynda iske qosý josparlanǵan bolatyn. Atalǵan baǵdarlama otbasynyń árbir múshesine shaqqandaǵy tabysy aıyna bir eń tómengi kúnkóris deńgeıinen aspaıtyn otbasylarǵa jaldamaly páter aqysynyń 50%-yn tóleýdi kózdeıdi. Baǵdarlamanyń operatory - «Otbasy banki», dep jazdy vedomstvo.
Eńbek mınıstrliginiń aqparatyna sáıkes, búgingi tańda elimizde 590 myńǵa jýyq kezekte turǵan azamat bar, olardyń 210 myńy áleýmettik osal toptarǵa jatady. Olardyń ishinde, tabysy eń tómengi kúnkóris deńgeıinen tómen 70 myńǵa jýyq qazaqstandyq bar.
Osyǵan baılanysty Memleket basshysynyń tapsyrmasy boıynsha jeke turǵyn úı qorynan jalǵa alynatyn turǵyn úı úshin tólemderdi taǵaıyndaý qaǵıdalary ázirlengen.
«Ortalyq kommýnıkasııalar qyzmetiniń alańynda áriptesterim turǵyn úı tólemderine ótinim berý mehanızmi jáne sýbsıdııalaý qaǵıdalary týraly egjeı-tegjeıli aıtyp bergen bolatyn. Osylaısha, kópbalaly otbasylar, birinshi jáne ekinshi toptaǵy múgedekter, jetim balalar, múmkindigi shekteýli balalardy tárbıelep otyrǵan otbasylar memleket tarapynan qoldaýǵa ıe bola alady. Halyqqa yńǵaıly bolý úshin biz ótinimderdi qabyldaý boıynsha sıfrlyq platformany iske qostyq. Osylaısha barlyq prosess otbasybank.kz portalynda onlaın júzege asyrylady. О́tinish berýshilerdiń barlyq talapqa sáıkestigi basqa vedomstvolardyń derekter bazasymen ıntegrasııalaý arqyly tekseriletin bolady», mınıstr Qaıyrbek О́skenbaev.
Ol osy rette tólemderdi sýbsıdııalaýǵa ótinimder qabyldaý prosesin turaqty baqylaýyda ustaıtynyn erekshe atap ótken.
Sondaı-aq kúndelikti «Otbasy bankine» kelip túsip jatqan ótinimder boıynsha qanshasy maquldanyp, qansha ótinim keri qaıtarylǵandyǵy jóninde sandardy saralap, monıtorıng jasap otyrmaq.
