Al 274 oqýshy kúmis jáne 462 oqýshy qola medal ıelendi. Osylaısha elimizdiń túkpir-túkpirinen kelgen barlyǵy 919 oqýshy júldeli oryndarǵa ıe boldy.
Osylaısha bıyl medaldar sany byltyrmen salystyrǵanda kóp boldy. 2021 jyly respýblıkalyq olımpıadada 122 qatysýshy altyn, 214 kúmis jáne 349 qola medal jeńip aldy.
Qorytyndy kezeń olımpıadanyń barlyq aldyńǵy kezeńi sııaqty Oqylyq.kz platformasynda elektrondy formatta ótti. Ashyqtyq pen akademııalyq adaldyqty saqtaý úshin olımpıada beınebaqylaý júıesimen qamtamasyz etildi. Táýelsiz baqylaýshylar prosesti baqylap otyrdy.
«Endi respýblıkalyq jarystyń jeńimpazdary irikteýden keıin olımpıadalyq rezervke túsip, olarǵa oqý-jattyǵý jıyndary uıymdastyrylady. Nátıjesinde Qazaqstannyń namysyn IMO sııaqty aýqymdy halyqaralyq olımpıadalarda qorǵaıtyn ulttyq qurama jasaqtalady», dedi BǴM «Daryn» respýblıkalyq ǵylymı-praktıkalyq ortalyǵynyń dırektory Tımýr Nurkeshov
Respýblıkalyq olımpıadanyń mektepishilik kezeńine 16 pán boıynsha 266 805 oqýshy, aýdandyq kezeńge 96 443 oqýshy, oblystyq kezeńge 14 369 oqýshy qatysty. Al aqtyq kezeńde 2 070 oqýshy júldeli oryndardy sarapqa saldy.
Aıana Toǵanbek
