«QR áýe keńistigin paıdalaný jáne avıasııa qyzmeti týraly» 2020 jylǵy 15 shildedegi №339-IV Zańǵa sáıkes ushaq apatyn azamattyq avıasııa salasyndaǵy ýákiletti organ qurǵan komıssııa tekserdi.
Halyqaralyq zańnamaǵa jáne Qazaqstan Respýblıkasynyń zańnamasyna sáıkes komıssııa jumysyna Nıderland Koroldiginiń qaýipsizdik jónindegi bıýrosynyń ókilderi (avıasııalyq oqıǵalardy tekserý jónindegi memlekettik organ) jáne olardyń keńesshileri – nıderlandtyq Fokker Services B. V. kompanııasynyń mamandary (Fokker úlgisindegi áýe kemesi sertıfıkatynyń ıesi), sondaı-aq Memleketaralyq avıasııa komıtetiniń tekserýshileri qatysty.
Halyqaralyq azamattyq avıasııa uıymy keńesiniń (ICAO) Chıkago konvensııasynyń 13-qosymshasyna jáne Qazaqstan Respýblıkasynyń zańnamasyna sáıkes tekserý nátıjeleri boıynsha qorytyndy esep Nıderland Koroldiginiń qaýipsizdik jónindegi bıýrosymen, Memleketaralyq avıasııa komıtetimen kelisildi.
Osylaısha, «Bek Eır» AQ áýe kemesimen bolǵan avıasııalyq oqıǵa ushaq áýege kóterilgen kezde qanatynyń kúsh túsetin qasıetteriniń sımmetrııasyn joǵaltýy nátıjesinde oryn alǵany anyqtaldy. Sonyń kesirinen ushaq ushý-qoný jolaǵynan kóterilgennen keıin fıýzelıajǵa qulap, qar basqan topyraqtyń betimen ońǵa qaraı aýyp ketken, odan keıin áýejaıdyń perımetr boıynsha qorshaýyn buzyp, atalǵan qorshaýdan 9-10 metr qashyqtyqta ornalasqan eki qabatty jeke menshiktegi qurylys nysanyna soǵylǵan.
Komıssııa qorytyndysyna sáıkes, ushaq qanatynyń kúsh túsetin qasıetterin joǵaltýynyń sebebi jer ústindegi muzdanýdyń áseri bolýy yqtımal.
Qorytyndy eseptiń tolyq nusqasy IIDM saıtynda jarııalanǵan.
