Sharaǵa bala-shaǵasymen birge kelgen kadrlyq rezerv músheleri saıabaqtaǵy arnaıy alleıaǵa 150-deı túrli aǵash kóshetin otyrǵyzyp, aınalany qoqystan tazartty.
«Meniń otbasym úshin elimizdegi ózimiz meken etken qalalarda jyl saıyn aǵash otyrǵyzý dástúrge aınalǵan. Búgin sol ádetimizben jańylmaı, tamasha tabıǵat aıasynda keremet ýaqyt ótkizip, elordamyzdyń jasyl qalaǵa aınalýyna óz úlesimizdi qostyq», deıdi Prezıdent jastar kadrlyq rezerviniń belsendi múshesi Samat Ramazanov.
Jalpy, 16 sáýirden bastaý alǵan #BirgeTazaQazaqstan jalpyulttyq ekologııalyq aksııasyna elordamyzdyń belsendi turǵyndary, onyń ishinde memlekettik qyzmetkerler belsendi qatysyp jatyr. Saryarqa aýdany ákimi apparatynyń kommýnaldyq sharýashylyq bólimi bas mamany Janseıit Tynbaevtyń aıtýynsha, búgin aýdandaǵy «Kóktal» saıabaǵy, Monshaqty kóshesiniń boıynda qaıyń, qaraǵaı, jóke aǵashynyń 200-den asa kósheti otyrǵyzyldy.
