Prezıdent • 01 Mamyr, 2022

Qasym-Jomart Toqaev Qazaqstan halqynyń birligi merekesimen quttyqtady

89 ret kórsetildi

Prezıdent Qasym-Jomart Toqaev Qazaqstan halqynyń birligi merekesimen quttyqtady dep habarlaıdy Egemen.kz Aqorda saıtyna silteme jasap. 

Qymbatty otandastar!

 

Sizderdi Qazaqstan halqynyń birligi merekesimen shyn júrekten quttyqtaımyn!

Mamyrdyń osy mamyrajaı merekesi – elimizdiń tutastyǵy men yrys-yntymaǵynyń sımvoly.

Dostyq pen ózara túsinistik dástúrleri halqymyzdyń sana-seziminde berik ornyqqan. Bul qasıetter berekeli ómirdiń, beıbitshilik pen kelisimniń ózegi bolyp otyr.

Taǵdyrdyń jazýymen keń baıtaq qazaq jerinde toǵysqan ár alýan mádenıetter tutasa kele ulttyq biregeıligimizdiń ajyramas bóligine aınaldy.

Bizdiń maqsatymyz bir, qundylyqtarymyz ortaq. Myzǵymas birliktiń arqasynda qıyndyqtan qaımyqpaı, jahandyq syn-qaterdiń bárin eńserip kelemiz.       

Búginde Jańa Qazaqstandy qurý bastamasy búkil qoǵamdy uıystyrýda. Bul ıdeıa el azamattarynyń jasampazdyq qýatynan bastaý alady. Memleketimizdi jan-jaqty jańǵyrtýǵa árqaısymyz óz úlesimizdi qosýymyz kerek.

Barshańyzǵa zor densaýlyq, tolaǵaı tabys tileımin!

Aspanymyz árdaıym ashyq bolsyn!

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar