«Nur-Medıaǵa» qarasty BAQ basshylarymen kezdesti

Keshe Almatyda «Nur Otan» partııasy Tóraǵasynyń birinshi orynbasary Baýyrjan Baıbek «Nur-Medıa» holdıngine qarasty buqaralyq aqparat quraldarynyń basshylarymen kezdesti. Onyń barysynda holdıngtiń qazirgi jaǵdaıy men aktıvterine qatysty jáne «Nur-Medıa» tobyna kiretin BAQ-tardy damytý jónindegi jospary talqyǵa salyndy. Ústimizdegi jyly holdıngke kiretin 4 BAQ óziniń mereıtoıyn ótkizedi: «Túrkistan» halyqaralyq aptalyǵynyń jáne «NS» radıosynyń qurylǵanyna 20 jyl, al «Aıqyn» jáne «Lıter» gazetterine 10 jyl tolǵaly otyr. Redaksııa basshylaryn quttyqtaı otyryp, Baýyrjan Baıbek: «Holdıng BAQ-tary Elbasy – partııa Kóshbasshysynyń tapsyrmalaryn túsindirýde, Saıası doktrınanyń erejelerin jáne bizdiń jumysymyzdyń basymdyqtaryn turǵyndarǵa jetkizýde, sondaı-aq, elimizdiń qoǵamdyq-saıası ómirinde erekshe ról atqarady», – dep atap ótti. Budan keıin «Nur-Medıa» holdınginiń bas dırektory Bolat Bersebaev holdıngtiń qazirgi jaǵdaıy men aktıvteri týraly jan-jaqty málimet berdi. B.Baıbek holdıng basshylyǵyna qarjylyq turaqtylyqty qamtamasyz etýge jáne básekelestikti arttyrýǵa qatysty naqty tapsyrmalar júktedi. Kezdesýde 2014 jyldyń 10 sáýirinen bastap «Nur Otan» partııasynyń qoldaýymen «Aıqyn» gazetiniń qosymshasy retinde «Ara» jýrnaly shyǵa bastaǵany atap ótildi. «Egemen-aqparat».