Aqtóbelikter 11 upaımen 8-orynda tursa, oraldyqtar 10-satyda edi. Qos komanda da ótken týrdyń oıyndaryn sátsiz ótkizdi.
Aqtóbelikter syrt alańda «Tarazǵa» 0:3 esebimen utylsa, «Aqjaıyq» Oralda «Aqsýǵa» ese jiberdi – 0:1. Sondyqtan eki klýbqa da jeńis aýadaı qajet edi.
Oraldyqtardy baptaıtyn ýkraınalyq Vladımır Mazıar ótken matchpen salystyrǵanda, bir ǵana ózgeris jasap, Ivan Antıpovtyń ornyna Eldar Ábdirahmanovty shyǵardy. Al «Aqtóbe» sapynda aıtarlyqtaı ózgerister boldy. Birinshi taımda 10-mınýtta oraldyq Baýyrjan Omarovtan pas alǵan Oralhan О́mirtaev esep ashty.
Matchtyń ekinshi kezeńinde buryshtamadan berilgen doptan keıin qaqpa aldyndaǵy qarbalas sátti paıdalanǵan «Aqtóbe» sapyndaǵy ganalyq legıoner Adýkor Ioahım 49-mınýtta tarazy basyn teńestirdi – 1:1. 73-mınýtta reseılik Serder Serderov esepti 2:1-ge jetkizdi.
Osylaısha, aqtóbelikter týrnır kestesinde kósh bastaýshylarǵa jaqyndasa, qatarynan eki ret utylǵan «Aqjaıyq» jaǵdaıyn birshama qıyndatyp aldy.
Onynshy týrda 8 mamyr kúni «Aqjaıyq» «Maqtaaraldy» qabyldasa, aqtóbelikter Aqtaýda «Kaspıımen» sheberlik baıqasady.
