Oblystyq TJD baspasóz qyzmetiniń málimetinshe, qaıǵyly jaǵdaı 2 mamyr kúni saǵat 14:45 shamasynda bolǵan.
«Qaıtpas-1» shaǵynaýdanynda 15 jastaǵy bala sýǵa shomylýǵa jabdyqtalmaǵan shuńqyrǵa túsken. Atap aıtqanda, qaraýsyz qalǵan karerlik qazanshuńqyrda jerasty sýlary kóterilgen tustary paıda bolǵan. Artynsha bala belgisiz jaǵdaıda sýǵa qulap, batyp ketken», dedi Shymkent qalasy TJD baspasóz hatshysy Zarıpa Abdýllaqyzy.
Oqıǵa ornyna Shymkent qalasy TJD 5 qyzmetkeri, jedel-qutqarý jasaǵynyń 4 qutqarýshy-súńgýirleri, 1 tehnıka, 1 júzý quraly tartylǵan.
«Jedel-qutqarý jasaǵynyń qutqarýshy-súńgýirleri oqıǵa ornyna kelip, sý astynda izdestirý jumystaryn júrgizdi. Nátıjesinde kúndizgi saǵat 16:20 kezinde sýǵa batyp ketken jasóspirimniń máıitin tapty. Búgingi tańda qaıǵyly oqıǵanyń sebebi naqtylanyp jatyr», dedi TJD ókili.
Qazirgi ýaqytta Qarataý aýdanynyń polısııasy sot-medısınalyq saraptama taǵaıyndap, anyqtaý jumystaryn júrgizip jatyr.
«Qaraýsyz qalǵan osy qazanshuńqyrda 1,5-2 metr tereńdikte sýǵa batyp ketý qaýpi zori. Ol jerde sýǵa túsýge bolmaıdy degen belgiler ornatylǵan. Biz qansha tyıym salǵanymyzben, balalar jıi sýǵa barady. Qazir ákimdikpen osy karerdi qorshaý máselesin pysyqtap jatyrmyz. Jergilikti atqarýshy organdar ol jerdiń jaýyp tastaıdy dep úmit artamyz», dedi Zarıpa Abdýllaqyzy.
