Aımaqtar • 03 Mamyr, 2022

Shymkentte zańsyz balyq aýlaǵan 13 adam jaýapqa tartyldy

29 ret kórsetildi

Shymkentte zańsyz balyq aýlaǵan 13 adam jaýapqa tartyldy, dep habarlaıdy Egemen.kz  Polisia.kz-ke silteme jasap.

Jergilikti polısııa qyzmeti basqarmasy Tabıǵatty qorǵaý tobynyń qyzmetkerleri qala aýmaǵyndaǵy sý aıdyndarynda ýyldyryq shashý mezgilinde balyqtardy qorǵaý baǵytyndaǵy jumystardy jalǵastyrýda.

Reıdtik shara barysynda 15 azamat tazalyqty saaqtamaǵany úshin QR ÁQBtK-niń 505-babyna sáıkes jaýapkershilikke tartylyp, 13 tulǵaǵa zańsyz balyq aýlaý boıynsha QR ÁQBtK-niń 383-baby 1-bóligimen (Balyq aýlaý qaǵıdalaryn, sondaı-aq balyq resýrstary men basqa da sý janýarlaryn paıdalanýdyń basqa da túrlerin júzege asyrý qaǵıdalaryn qylmystyq jazalanatyn is-áreket belgileri joq buzýshylyq) hattama toltyryldy.

Sondaı-aq balyq aýlaýdyń erejesin buzǵandarǵa 30 630 teńge kóleminde aıyppul salynyp, onyń 199 095 teńgesi osy kúnge deıin óndirilgen.

Máselen, 30 sáýirde Badam sý qoımasynda zańsyz balyq aýlap otyrǵan eki turǵyn anyqtalǵan. Azamattar qarmaqty paıdalana otyryp, kókserke balyǵyn aýlaǵan jerinen ustaldy. Tártip saqshylary turǵyndarǵa túsindirý jumystaryn júrgizip, balyq ýyldyryq shashatyn mezgilde tyıym salynatyny eskertildi. Turǵyndarǵa tıisti bap boıynsha ákimshilik shara kórildi.

«Balyq ýyldyryq shashar mezgilinde jyl saıyn osyndaı is-shara uıymdastyrylyp, zańsyz balyq aýlaıtyn azamattarǵa tosqaýyl qoıylady. Bul turǵydan bizder ózen, kól mańdaryna kún saıyn reıdtik jumystar júrgizemiz. Keıde balyq aýlaǵan jaıttardy baıqaǵan janashyr jergilikti turǵyndar 102 arnasy arqyly bizge habarlap jatady. Biz birden atalǵan mekenjaıǵa jedel jetip, zań buzýshylardy quryqtaımyz. Tabıǵatqa janashyrlyq tanytyp, qamqorlyq kórsetý – bul bizdiń azamattyq paryzymyz», dedi Tabıǵatty qorǵaý tobynyń aǵa ınspektory Ulyqbek Sabaev.

Aıana Toǵanbek


Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar