Qazaqstan men Túrkııa kóshbasshylary birin-biri Oraza aıt merekesimen quttyqtady jáne baýyrlas eki halyqtyń ósip-órkendep, jetistikke jetýine tilektestik bildirdi.
Prezıdentter saýda-ekonomıkalyq, ınvestısııalyq jáne mádenı-gýmanıtarlyq yntymaqtastyqty odan ári nyǵaıtýǵa mán bere otyryp, qazaq-túrik strategııalyq seriktestigin damytýdyń perspektıvalaryn talqylady.
Rejep Taııp Erdoǵan Qasym-Jomart Toqaevtyń 10-11 mamyrda Túrkııaǵa josparlaǵan memlekettik sapary eki el arasyndaǵy jan-jaqty strategııalyq seriktestikti keńeıtýdiń mańyzdy belesi bolatynyn aıtty. Memleketimizdiń basshysy Ankaradaǵy kelissózder osyndaı deńgeıde ótedi degen pikirmen kelisti.
Qazaqstan Prezıdenti ekonomıkalyq, gýmanıtarlyq jáne mádenı baılanystardy keńeıtýde Túrki memleketteri uıymynyń róli zor ekenin atap ótti.
Eki memlekettiń basshylary dástúrli dostyq ráýishte áńgimelesti.
