Qazaqstan kóleminde qolǵa alynǵan qaıyrymdylyq sharasynan óskemendikter de tys qalǵan joq. «Sherbakovtyń jasyl úıinde» jınalyp jatqan qaqpaqtardy volonterler qaıta óńdeýge jiberedi. Al qaqpaqtardy qabyldap alǵan zaýyt ókilderi tólenýi tıis qarjyny qaterli isikke shaldyqqan balalardyń shotyna aýdarady eken. Ras, aqshalaı kómek kórsete almasańyz, qaqpaq ótkizip, naýqas balalarǵa ómir syılańyz. Kósheden jınamaı-aq, kúndelikti tutynǵan shyrynnyń, súttiń bosaǵan qutylarynyń qaqpaqtaryn jeke ydysqa salyp, tolǵan kezde «Jasyl úıge» aparyp ótkizýge ábden bolady. Alaıda bir ǵana jerge jınaqtalmaı, qala mektepteri de qaıyrymdylyq sharasyna qoldaý kórsetse, quba qup bolar ma edi. Mektepter ǵana emes, múmkindigi bar mekemelerdiń barlyǵy at salyssa artyq bolmas.
– Úıde ydysqa bótelkelerdiń qaqpaqtaryn jınaqtap otyramyz. Tolǵan kezde osy kitaphanaǵa, «Jasyl úıge» alyp kelip ótkizemiz. Osy aksııa mektebimizde qolǵa alynsa, ár oqýshy aparyp ótkizer me edi, – deıdi 7 synyp oqýshysy Aılın Dáýren.
Iá, kitaphana qyzmetkerleri de qaqpaq jınaıtyn núktelerdi kóbeıtý keregin aıtady. Bul aksııa kórshiles memleketterde burynnan júrgizilip keledi eken. Endeshe, qarapaıym ǵana qaqpaq jınap, nege qaıyrymdylyq jasamasqa?!
