Jobanyń negizgi maqsaty – esirtki qylmysyna qarsy is-qımyldy júrgizý jáne jastar arasynda sıntetıkalyq esirtkilerdiń taralýynyń, paıdalanylýynyń aldyn alý.
«Sońǵy jyldary esirtkiniń taralýyna qarsy kúres salasyndaǵy jaǵdaı ózgerdi. Dástúrli esirtkini sıntetıkalyq esirtki dep atalatyn jańa psıhotroptyq zattar aýystyrdy. Olar baǵasynyń arzandyǵymen, aıqyn psıhotroptyq áserimen, táýeldiliktiń jyldam qalyptasýymen erekshelenedi», dedi «Serǵalı-Túrkistan» RQB tóraıymy Sholpan Ýsmanova jobany tanystyrý barysynda.
Joba aıasynda elimizdiń Densaýlyq saqtaý, ishki ister organdarynyń mamandary, psıhologtar, narkologııalyq qyzmet mamandary elimizdiń orta, arnaıy orta jáne joǵary oqý oryndarynda oqýshylar men stýdent jastar arasynda sıntetıkalyq esirtkini qoldanýdyń qaýiptiligi men olardyń saldaryn túsindirý is-sharalaryn ótkizedi.
Sondaı-aq joba aıasynda qazaqstandyqtar qońyraý shalyp, esirtkini paıdalaný nemese ótkizý faktileri týraly habarlaı alatyn qyzmetti qurý kózdelgen.
«Mamyr aıynyń basynda biz anonımdi ótinimderdi qabyldaıtyn qyzmetti iske qosýdy josparlap otyrmyz. О́tinimderdi eki arna arqyly qabyldaımyz. Bul: Telegram-daǵy chat-bot jáne WhatsApp-toby. Barlyq ótinimderdi quramynda quqyq qorǵaý organdarynyń qyzmetkerleri bar áreket etý toby pysyqtaıtyn bolady. Sondaı-aq atalǵan arnalarda zańgerler men psıhologtardyń onlaın - konsýltasııalary qoljetimdi bolady», dedi Sh. Ýsmanova.
Sonymen qatar, joba aıasynda jastar arasynda nashaqorlyqtyń aldyn alýǵa baǵyttalǵan shaǵyn granttar konkýrsy, esirtkiniń densaýlyqqa zııanyn, quqyqtyq saldaryn túsindirý jónindegi is-sharalar uıymdastyrylady dep kútilýde.
Nashaqorlyq pen esirtki bıznesine qarsy is-qımylǵa baǵyttalǵan qyzmetti úılestirý jónindegi óńirlik shtabtardyń ókilderi úshin arnaıy trenıngter ótkiziledi.
