Keden bajynyń stavkasyn Eýrazııa ekonomıkalyq komıssııasy belgileıdi (EEK Keńesiniń 2021 jylǵy 14 qyrkúıektegi № 80 sheshimi) jáne bul stavka Qazaqstan Respýblıkasy úshin mindetti bolyp tabylady. «Jeńil avtokólikterge arnalǵan baj stavkasy 2022 jyly ózgerissiz qaldy.
Kerisinshe, Eýrazııalyq ekonomıkalyq odaq Keńesiniń 2022 jylǵy 17 naýryzdaǵy № 39 sheshimimen tıisti qujattar usynylǵan jaǵdaıda elektromobılderdi baj mólsherlemesiniń 15%-ynan bosatý túrindegi jeńildik berildi.
Usynylatyn qujat túrin Indýstrııa jáne ınfraqurylymdyq damý mınıstrligi belgileıdi. 2022 jylǵy 5 sáýirdegi № 46 sheshimimen daıyn ónimdi óndirýge arnalǵan shıkizat jáne materıaldar sııaqty «sezimtal» taýarlardyń jekelegen sanattaryna kedendik ákelý bajynyń 0% mólsherlemesi engizildi» delingen komıtet habarlamasynda.
Sonymen qatar, taýarlardyń kedendik quny EAEO Keden kodeksiniń 5-taraýyna (taýarlardyń kedendik qunyn aıqyndaýdyń alty ádisi) jáne Eýrazııa ekonomıkalyq komıssııa alqasynyń 2018 jylǵy 27 naýryzdaǵy № 42 sheshimine sáıkes aıqyndalady.
Avtokólik satyp alý kezinde azamattar aýmaqtyq memlekettik kirister departamentterine baryp, kedendik tazartýdan ótkizgeni jón. Zańsyz is-áreketter faktileri jáne shaǵymdaný úshin basqa da negizder bolǵan jaǵdaıda, 14-14 qysqa nómirine nemese 8-7172-71-81-71 nómirine habarlaýǵa bolady. Sonymen qatar, ýtılızasııalyq alym men kedendik baj bir-birine uqsamaıtyn eki bólek alym jáne bir-birin almastyra almaıtynyn eskerý qajet.
Qazaqstan Respýblıkasyndaǵy tarıftik saıasat sharalary - Saýda jáne ıntegrasııa mınıstrliginiń quzyretine, al ýtılızasııalyq alym mólsherlemesin bekitý - Indýstrııa jáne ınfraqurylymdyq damý mınıstrliginiń quzyretine jatady.
