Qoǵam • 05 Mamyr, 2022

Almatyda soǵys batyrlary beınelengen 40 bılbord ornatyldy

29 ret kórsetildi

Bıyl Almatyda Jeńis kúni joǵary deńgeıde uıymdastyrylady. Soǵysqa qatysqandar men tyl eńbekkerlerine jergilikti bılikten de, ardagerler keńesinen de barynsha kóńil bólinedi. Bul týraly qalalyq ardagerler keńesiniń tóraǵasy Ahan Bıjanov brıfıng barysynda málimdedi, dep jazady Egemen.kz.

Almatyda Jeńis kúnine oraı 40-tan astam is-shara uıymdastyrylady.

«Soǵys batyrlary beınelengen 40 bılbord ornatyldy. 9 mamyr taqyrybynda qalanyń barlyq medıabordtarynda jáne metro stansııalarynda rolıkter ornalastyryldy. 20 myń «Jeńis lentasy» daıyndalyp, qala turǵyndaryna taratylady», dedi Ahan Bıjanov.

Lentany saýda oıyn-saýyq ortalyqtaryna, saıabaq aımaqtaryna, 28 gvardııashyl-panfılovshylar atyndaǵy saıabaqqa, Ortalyq mádenıet jáne demalys saıabaǵyna barǵan kezde alýǵa bolady. 

«Negizgi baǵdarlama 9 mamyrda saǵat 9:30-da bastalady. Bıyl «Batyrlarǵa taǵzym» aksııasy uıymdastyrylady, onyń aıasynda qala turǵyndary M. Gorkıı atyndaǵy Almaty qalasynyń Ortalyq demalys saıabaǵynan Gogol kóshesindegi 28 gvardııashyl-panfılovshylar atyndaǵy saıabaqqa deıin soǵysta qaza tapqan batyrlardy eske alýǵa gúl shoqtaryn qoıý úshin ótedi», dedi ol sózin tolyqtyra ketip. Gúl shoqtaryn qoıǵan soń qazaq estrada juldyzdarynyń qatysýymen konsert bolady. Shara barysynda soǵys ardagerleri men tyl eńbekkerlerine merekelik dastarhan jaıylady.

«Sonymen qatar mereke ótetin jerde áskerı shatyrlar men zamanaýı qazaqstandyq áskerı tehnıka, qarý-jaraq qoıylady. Merekelik sharalar aýdan ákimdikteri janyndaǵy alańdarda da, saıabaqtarda da, tipti, turǵyn úılerdiń aýlalarynda da kúni boıy ótedi»,  dep málimdedi Ahan Bıjanov.

Sondaı-aq Jeńis kúnine oraı 5 mlrd 400 mln teńgege birjolǵy áleýmettik kómek beriledi.

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar