Jıynǵa Ulttyq qoǵamdyq senim keńesiniń músheleri, belgili saıasattanýshylar men zańgerler qatysty.
Kezdesýde Erlan Qarın Konstıtýsııalyq keńes oń qorytyndysyn bergen Ata Zańǵa engiziletin túzetýler men tolyqtyrýlar jaıynda sóz qozǵady. Memlekettik hatshy konstıtýsııalyq reforma bılik tarmaqtary arasyndaǵy qarym-qatynas balanysyn ońtaılandyrýǵa, halyqtyń memleketti basqarý isine aralasýyn keńeıtýge jáne qazaqstandyqtardyń konstıtýsııalyq quqyǵynyń qorǵalýyn kúsheıtýge múmkindik beretinin atap ótti.
О́z kezeginde Ulttyq keńes músheleri men saıasattanýshylar el Konstıtýsııasyna engiziletin ózgeristerdi qoldady. Jıynda atalǵan ózgeristerdi ázirleý barysynda Ulttyq keńes músheleriniń usynystary men usynymdary eskerilgenine nazar aýdaryldy.
Kezdesý sońynda sarapshylar konstıtýsııalyq reforma qazirgi saıası modeldi júıeli túrde transformasııalaýǵa negiz bolady dep qorytyndy jasady.
