Birlik – el órkendeýiniń tuǵyry

Almatyda «Nur Otan» partııasynyń Almaty qalalyq fılıalynda Qazaqstan halqy Assambleıasy jáne Almaty qalasy etnomádenı birlestikter ókilderiniń qatysýymen «Birlik pen yntymaq – el órkendeýiniń tuǵyry» atty dóńgelek ústel ótti. Salıqaly basqosýda Astanada ótetin Qazaqstan halqy Assambleıasynyń HHI sessııa­syna daıyndyqty pysyqtap, Qazaqstan aýmaǵynda turatyn etnos­tar ókilderiniń arasyndaǵy dostyq qatynasty damytýǵa múmkindik beretin, rýhanı-mádenı turǵydan jandanýyna oń áserin tıgizetin memlekettik saıasatty júrgizý boıynsha usynystar jınaqtaldy. – Sizderdiń árqaısyńyz ártúrli ult ókilderin qurap otyrǵan qoǵamdyq ortalyqtardy basqarýmen qatar, elimizdiń órkendeýine eleýli úles qosyp, el-jurtqa uıytqy, Elbasyna tirek bolyp júrsizder, – dedi dóńgelek ústeldi ashqan «Nur Otan» partııasy Almaty qalalyq fılıaly tóraǵasynyń birinshi orynbasary Kenjehan Matyjanov. – Búginde Almatyda otyzdan asa ult pen ulystyń ókilderi meken etedi. Bul súıikti qalamyzdyń ultaralyq mádenıeti men sanasynyń bıik dáre­jege kóterilgenin bildirse kerek. Endeshe, osy syılastyq pen turaq­tylyqty odan ári saqtap, damyta túsý úshin sizder men bizder árqashan túsinistikte bolýymyz kerek. Odan ári moderator bıylǵy jylǵy Elbasy Joldaýynyń bas­ty maqsaty – Qazaq­stannyń álemdegi eń damyǵan 30 mem­lekettiń qataryna qosylýy dep atap kórsetkenin, endeshe búgin «Nur Otan» partııasy men Qazaqstan halqy Assambleıasynyń alǵa qoıyp otyr­ǵan ortaq maqsat-múddelerin bir arnaǵa toǵystyra otyryp, ult saıasaty jónindegi bolashaq baǵdarlamalardy júzege asyrý aıasynda pikir almasýdy alǵa qoıyp otyrǵanyn jetkizdi. Sondaı-aq, byltyr qalalyq «Nur Otan» partııasy ultaralyq qarym-qatynasty, konfessııaaralyq kelisimdi nyǵaıtý maqsatynda alpystan astam baǵdarlamany júzege asyrǵanyn, al bıylǵy jyly da ultaralyq 25 shara ótkiziletinin, búgingi dóńgelek ústel sonyń bir parasy ekenine toqtaldy. Alǵash sóz alǵan «Nur Otan» partııasy AQF Saıası keńesiniń múshesi, «Yntymaq» depýtattyq tobynyń jetekshisi, máslıhat depýtaty Ah­metjan Shardınov: «Qazir álem qatty saıasattanyp ketti. Sol úshin Qazaqstanda ultaralyq dostyqty, ózara túsinistikti saqtaýda Qazaqstan halqy Assambleıasynyń róli, oǵan júkteletin mindetter artyp otyr. Búgin sol aldaǵy bolatyn sessııaǵa daıyndyq retinde etnomádenı bir­lestikterdiń basshylaryn shaqy­ryp, olardyń talap-tilekterin, usy­nystaryn tyńdaýdy uıǵardyq. Elbasy qashanda «Ultaralyq keli­sim, dostyq – Qazaqstan halqynyń ór­kendeýiniń negizi. Bul ishki saıa­sattyń dińgegi» degendi aıtyp ke­ledi. Elimizde ultaralyq kelisim nyǵaıa túsken saıyn ekonomıka da, halyqtyń áleýmettik jaǵdaıy da nyǵaıa túspek», dedi. Koreı etnomádenı ortalyǵy tóra­ǵa­synyń birinshi orynbasary Georgıı Kan da Elbasy óziniń kezekti Joldaýynda jańa mindetter qoıyp otyrǵanyn, búginde QHA óziniń pishinin ózgertip ke­le jatqanyn, mysaly, sońǵy kezderi ujymdardaǵy jumysshylarmen, jastarmen, áskerı bólimshelermen tyǵyz baılanys jasaı bastaǵanyn, birinshi ret otbasy kúnin atap ótkenin alǵa tartty. – Mine, halyqtyń birlikte, yn­ty­maqta beıbit ómir súrýine osyn­daı oń jaǵdaılar qyzmet etedi. Máselen, byltyrǵy jyly atqar­ǵan jumystarymyzǵa sarapta­ma ja­saı kele, bizdiń EMO respýb­lıkalyq, qalalyq, aýdandyq 300 is-sharaǵa, al 180 ret ózimizdiń etno­mádenı ortalyqtary ótkizgen sharaǵa qatysypty. Iаǵnı bizder kú­nara halyqty biriktiretin, soǵan yńǵaılastyratyn jalpy buqara­lyq sharalarǵa qatysady ekenbiz. Bul sandar neni kórsetedi? Bul – ha­lyqtyń birligin, tatýlyǵyn kórse­tedi, – dedi Kan. О́z kezeginde sóz alǵan «Nur Otan» partııasy AQF Saıası keńes bıý­ro­synyń múshesi Bolat Os­panov ózi qyz­met atqaratyn Almaty lokomotıv deposyndaǵy ulttar dostyǵy jaıly tebirene sóıledi. «Birlik pen yntymaqty aıtqanda, meniń oıyma dostyq degen jyly sóz keledi. Qandaı qasıetti sóz! Qaı halyqta da dostyq týraly kóp aıtylady, tamasha aıtylady. Birlikti – baılyq, baqyt dep bilemiz. Qazaqstan – ulttar dostyǵynyń mekeni. Bul qur sóz, jaı ánsheıin maqtaý emes. Kóptegen ult pen ulystyń ókili tatý-tátti tirshilik keship, beıbit ómir súrip jatyr. Olardyń tili, dini, dili, salt-dástúri men ádet-ǵurpy saqtalyp, onyń órkendeýine jaǵdaı jasalyp otyr. Munyń bári, eń aldymen, Elbasynyń syndarly saıasatynyń arqasynda iske asýda. Bul oraıda, ózim qyzmet atqaratyn ujymda jıyrmadan asa ult ókili jumys isteıdi. Depoda olardyń barlyq salt-dástúrin, dinin ustaýǵa esh bóget joq. Taǵy bir aıta keterligi, depoda qazaq tilin jetik meńgergen basqa ult ókilderi jetkilikti. Bul da úlken dostyqtyń bir dáleli, – dedi Bolat Musahadjınuly. «Ultaralyq kelisim – Qazaq­stan­nyń uly baılyǵy. Qazirgi daǵ­darys jaılaǵan álemde ult­aralyq kelisimniń mańyzy artýda» dep pikir bildirgen Almaty qala­syn­daǵy osetın etnomádenı birlestiginiń tóraǵasy Qazbek Mamsýrov, endigi jerde Qazaqstan halqy Assambleıasyna júkteletin mindetter eselene túsetinine toqtaldy. Sondaı-aq, aldaǵy 18 sáýir kúni Astanada ótetin Assambleıanyń kezekti HHI sessııasy jańa baǵyt-baǵdardy aıqyndap beretinin, Qazaqstandaǵy 140-tan astam ult pen ulysty biriktirip otyrǵan dos­tyq ekenine ekpin túsirdi. – Almatydaǵy etnomádenı orta­lyq­tardyń basyn bir jerge qosatyn etnoaýyl qursaq, – dedi Qazbek Mamsýrov. – Mundaı joba ońtústik astanadaǵy ár ult ókilinen qurylǵan 33 ortalyqtyń ba­syn biriktirer edi. Mine, sol aýylda ár ortalyqtyń óz qazaq úıi bolsa, onda til úırenýge, mádenı sharalar, dóńgelek ús­telder, t.b. sharalar ótkizýge bolar edi. Bir atap óterligi, basqosýda jas­tar kóp boldy. О́ıtkeni, Qazaqstan jas­tary­nyń da ulttar dostyǵy, birligi, ózara qarym-qatynasynda atqaryp jat­qan jumystary az emes. Jastar qana­ty ókilderi atynan QR Prezıdenti jan­yn­daǵy jastar saıasaty jónindegi keńes múshesi Rasýl Ahmetov óz oıyn bildirdi. – Elbasynyń Qazaqstan halqy Assambleıasyn qurýdaǵy maqsaty – Qazaqstanda turatyn barsha ha­lyq­tyń teńdikte, birlikte bo­lýyn kózdedi. Sol teńdikte, birlik­te bıyl on toǵyz jyl boıy El­ba­synyń osy saıasatyn alǵa jyljytyp keledi. Keıingi kezde Assambleıanyń etnomádenı ortalyqtarynda jastar uıymdary da quryldy. Memleket basshysy ár jıynda sóılegen sózinde elimizdiń keleshegi jastar dep úlken úmit artady. Búgingi kúni jastardyń basqosýy aldaǵy ıgi isterdiń bas­tamasy dep aıtýǵa bolady. Bir jaǵymdy málimet, jaqynda QHA-nyń «Jarasym» jas­tar uıymy tirkelmek. Bul jastar uıymy eldegi basqa ult jastarynyń bir-birimen qarym-qatynasyn arttyryp, is-sharalardy qolǵa alady degen oıdamyz. Elbasymyz óziniń jyl saıynǵy Joldaýynda jastarǵa óte joǵary mán beredi. Sondyqtan bizder Qazaqstandaǵy ulttardyń jastaryn tatýlyqqa, birlikke shaqyramyz, – dedi Rasýl. Sondaı-aq, jıynda Almaty qala­syndaǵy QHA tóraǵasynyń oryn­basary, Aýǵan etnomádenı ortalyǵynyń tóraǵasy Vastok Ahma­dýl­la, QHA-nyń ǵylymı-sarap­tama toby­nyń múshesi S.V.Ana­neva, t.b. sóz sóılep, óz oılaryn ortaǵa saldy. Gúlzeınep SÁDIRQYZY, «Egemen Qazaqstan».