Elordalyq Assambleıa jumysynyń mańyzdy baǵyttarynyń biri qaıyrymdylyqty damytý bolyp sanalady.
Etnomádenı birlestikterdiń músheleri dástúrli túrde barlyq qaıyrymdylyq aksııalaryna qatysady, kópbalaly jáne áleýmettik az qamtylǵan otbasylarǵa, jalǵyz basty adamdarǵa, múmkindigi shekteýli balalarǵa, soǵys ardagerleri men tyl eńbekkerlerine turaqty kómek kórsetedi.
Atalǵan aksııa Qazaqstan Respýblıkasy Qarýly Kúshteriniń 30 jyldyǵyna jáne Uly Jeńistiń 77 jyldyǵyna oraılastyrylǵan.
Aksııany uıymdastyrýshylardyń biri, «Vaınah» sheshen-ıngýsh etnomádenı birlestiginiń tóraǵasy Bashır Solsanov áriptesteriniń qashanda qoldaý kórsetýge daıyn ekenin bildirdi.
«Biz sizderden dostyqty, patrıotızmdi, Otanǵa degen súıispenshilikti úırenemiz, batyldyqtaryńyzǵa bas ıemiz. Sizderdiń erlikterińizdi qashanda maqtan tutamyz!» - dedi Bashır Ýmatgereevıch.
Uly Otan soǵysy jáne tyl ardagerlerin qoldaýǵa baǵyttalǵan aksııa barysynda 60 otbasyǵa azyq-túlik sebeti tapsyryldy.
О́z kezeginde kómek alǵan otbasylar osy aksııanyń uıymdastyrýshylary men demeýshilerine alǵystaryn bildirip, olarǵa densaýlyq, amandyq jáne isterine tabys tiledi.
Qaıyrymdylyq pen meıirimdilik, ózara qurmet – Qazaqstan halqy Assambleıasynyń basty ustanymy. Dostyq úıindegi «Parasat» qaıyrymdylyq qyzmetin úılestirý ortalyǵy etnomádenı birlestikterdiń kásipkerlerimen birlese otyryp, muqtaj jandarǵa qajetti kómek kórsetý baǵytynda turaqty jumys isteýde.
Aıta keteıik, 2021 jyly «Qaıyrymdy ister marafony», «30 qaıyrymdy is» aksııalary aıasynda 55 qaıyrymdylyq aksııasy ótkizildi, 5800 adam jalpy somasy 36 mln teńgege kómek aldy.
Bıyl jyl basynan beri 11 qaıyrymdylyq aksııasy ótkizilip, 3000 otbasyǵa jalpy somasy 11 mln 200 myń teńgege kómek kórsetildi.
Aıta keteıik, buǵan deıin elordalyq Assambleıa eriktileri «Jyly júrek, izgi tilekter!» elordalyq QHA músheleri emdelýge muqtaj balalardyń emine qarjylaı kómek kórsetti.
