Aımaqtar • 11 Mamyr, 2022

Adnan Menderestiń atynda kóshe bar

428 ret kórsetildi

Túrkistan qalasyndaǵy ákimshilik-iskerlik ortalyǵyndaǵy 30-shy kóshe budan bylaı Túrki álemine tanymal qaıratker Adnan Menderestiń atymen atalady.

Qazaqstan men Túrkııa elderiniń zııaly qaýym ókilderi qatysqan saltanatty jıynda Túrkistan oblysynyń ákimi О́mirzaq Shókeev tarıhı tulǵa týraly baıandap, baýyrlas elder baılanysy tereńdep kele jatqanyn atap ótti. «О́tken ǵasyrdyń 50-jyldary otandastarymyzǵa qamqorlyq tanytyp, Túrkııaǵa kóshýine, ornyǵýyna úles qosqan Adnan Menderestiń esimin jańǵyrtý qos memleketke ortaq múdde dep bilemin. Memleket basshysy Qasym-Jomart Toqaev Túrkistan qalasyndaǵy kóshelerdiń birine Adnan Menderestiń esimin berý týraly tapsyrma bergen bolatyn. Tapsyrma aıasynda zańǵa sáıkes tıisti jumystar atqarylyp, biz búgin sol kósheniń ashylý saltanatyna kýá bolyp otyrmyz. О́zderińizge belgili, Túrkistan – bir halyqtyń ǵana emes, kúlli Túrki elderiniń rýhanı ustyny retinde áspetteledi. Sondyqtan qos elge ortaq tulǵanyń atyndaǵy bul kósheniń Túrkistan qalasynan ashylýy – zańdylyq. Sondaı-aq bul bastama qazaq-túrik arasyndaǵy dostyqtyń odan saıyn nyǵaıýyna jol ashady dep senemin», dedi О́mirzaq Estaıuly.

Túrkııa Respýblıkasy Din isteri basqarmasynyń basshysy, bas múftı Alı Erbash tulǵaǵa qurmet kórsetken qazaq eline alǵysyn bildirdi. Qos el arasyndaǵy baýyrlastyq qarym-qatynas nyǵaıa túskenin, Túrkistan tórindegi mańyzdy is-sharalar Túrki álemin biriktirýge serpin beretinin málimdedi.

Saıası qaıratker, Túrkııa Respýb­lı­kasynyń Premer-mınıstri qyz­metin atqarǵan Adnan Menderestiń qazaq halqyna sińirgen eńbegi mol. Ol ótken ǵasyrdyń 50-jyldary qazaq­tardyń Túrkııaǵa qonystanýyna sebepker bolyp, 4 jylǵa jýyq so­zyl­ǵan qonys aýdarý prosesine qol­daý kórsetken. Tarıhı tulǵanyń 1952 jylǵy qaýlysynan keıin qa­zaqtar Pákistannan Túrkııaǵa qo­nys aýdara bastady. Pákistandaǵy qazaqtardyń alǵashqy legi 1952 jyl­dyń qyrkúıek aıynda kelse, sońǵy legi 1956 jyly túrik jerine jetken.

 

Túrkistan oblysy

Sońǵy jańalyqtar

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar