«Saryarqa aýdanynyń №2 aýdandyq sotynda E.A. Birtanovqa, O.A. Ábishevke qatysty qylmystyq is óndiriske qabyldandy. Qylmystyq is boıynsha aldyn ala tyńdaý 11 mamyrǵa saǵat 10.00-ge belgilendi», dedi sottyń baspasóz hatshysy Botagóz Baıanova.
Eske salaıyq, 2020 jyldyń 25 maýsymynda Eljan Birtanov Densaýlyq saqtaý mınıstri qyzmetinen bosatyldy. Densaýlyq saqtaý mınıstrliginiń burynǵy basshysy Eljan Birtanov 2020 jyldyń qarashasynan beri úıqamaqta otyr.
Burynǵy mınıstr Eljan Birtanov pen burynǵy vıse-mınıstr Oljas Ábishev Densaýlyq saqtaý mınıstrliginiń jumys istemeıtin aqparattandyrý platformasyn qabyldap, iske qosý arqyly qyzmet babyn asyra paıdalandy degen kúdikke ilindi. Advokattyń aıtýynsha, quqyq qorǵaý organdary is boıynsha bapty qaıta saralaǵan.
