Parlament • 11 Mamyr, 2022

Qazaqstan Qyrǵyzstanǵa áskerı kómek kórsetedi

46 ret kórsetildi

Májilis Qazaqstan men Qyrǵyzstan arasyndaǵy Ortalyq Azııa óńiriniń qaýipsizdigin qamtamasyz etýde áskerı-tehnıkalyq járdem kórsetý kelisimin ratıfıkasııalaý» Zań jobasyn maquldady, dep habarlaıdy Egemen.kz.

QR Qorǵanys mınıstriniń orynbasary Sultan Qamaletdınovtiń aıtýynsha, bul kelisim 2021 jylǵy 7 jeltoqsanda Nur-Sultan qalasynda jasalǵan.

«Kelisim boıynsha áskerı múlik bir ret beriledi. Onyń ataýy men kólemi dıplomatııalyq arna arqyly kelisildi. Qazaqstan tarapy múlikti Qyrǵyzstannyń Qoıtash eldi mekenine deıin avtokólikpen jetkiziledi. Shyǵyndy ózi kóteredi. Qyrǵyzstan tarapy alǵan múlikti tek qaýipsizdikti qamtamasyz etý úshin paıdalana alady, úshinshi tarapqa bermeıdi. TMD qatysýshy memleketterge qarsy qoldanbaıdy», dedi Sultan Qamaletdınov Májilis otyrysynda.

Onyń aıtýynsha, Ortalyq Azııaǵa irgeles aýmaqta shıelenis bolǵanda, óńirlik qaýipsizdikke syn-qater tóngen jaǵdaıda áskerı-tehnıkalyq kómek kórsetý Qyrǵyzstan qarýly kúshteriniń oǵan toıtarys berýine, Ortalyq Azııa óńiriniń qaýipsizdigin nyǵaıtýǵa múmkindik beredi.

«Zań jobasyn qabyldaý bıýdjetten qosymsha qarajat qajet etpeıdi, teris áleýmettik-ekonomıkalyq quqyqtyq saldarǵa ákep soqpaıdy», dedi spıker.

Májilis komıtetteri Kelisimdi oń baǵalap, ony ratıfıkasııalaýdy usynady.

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar