«Bas hatshy TMU aıasynda qurylǵan aqparat jáne kommýnıkasııa tehnologııa (AKT) platformasyna múshe memleketterdiń saıasatyn úılestirýdi jáne áleýetin tıimdi basqarýdy kúsheıtý arqyly aımaqtyq yntymaqtastyqty qamtamasyz etetinin atap ótti», dep jazdy Baǵdad Ámireev Facebook-tegi paraǵynda.
Ol túrki memleketteri arasynda elektrondy qyzmet kórsetý, sıfrlyq ınfraqurylym, ozyq tehnologııa jáne ınnovasııa salasynda yntymaqtastyqty belsendi júrgizý keregin aıtty.
Baǵdat Mýsın túrki memleketteriniń AKT-ny damytýdaǵy múmkindikteri men áleýetine toqtalyp, aımaqtyń odan ári sıfrlyq transformasııasy týraly pikir bildirdi.
«Sondaı-aq mınıstr IT-ınfraqurylymdy birlesip jańǵyrtýǵa, elektrondy qoltańba salasyndaǵy bastamalardy yntalandyrýǵa, olardyń tehnologııalyq sheshimderi men ártúrli naryqtarda keńeıýi úshin jas startaptardy yntalandyrýǵa qatysty uıym aıasyndaǵy yntymaqtastyqty keńeıtý keregin atap ótti», dedi Túrki memleketteri uıymynyń bas hatshysy.
Sonymen qatar qos tarap bıyl 26 mamyrda Ázerbaıjan astanasy Bakýde ótetin TEKNOFEST-2022 TMU AKT-ǵa jaýapty mınıstrlerdiń aldaǵy kezdesýiniń kún tártibin talqylady.
