«Oryndalǵan ótinishterdiń eń kóbi Almaty qalasynyń (17,74%), Nur-Sultan qalasynyń (13,52%), Mańǵystaý oblysynyń (10,40%) turǵyndary tarapynan joldanǵan. 2022 jyldyń sáýir aıynda (01.04.22-30.04.22) jalpy somasy 7,6 mlrd teńgege barlyǵy 3 276 ótinish oryndaldy», dep habarlady BJZQ baspasóz qyzmeti.
Aıta keteıik, ýákiletti operatorlardan salymshylardyń jeke zeınetaqy shottaryna (JZSh) ótinish berýshiniń ótinishi jáne ózge de sebepter boıynsha 422,0 mlrd teńgeden asa qarajat qaıtaryldy, sebebi, qazaqstandyqtar birjolǵy zeınetaqy tólemderin belgilengen merzimde paıdalanbaǵan.
«Sonymen qatar, BJZQ emdelýge berilgen 295,9 mlrd teńgege 383 191 ótinishti oryndady. Bul rette alýǵa bolatyn ortasha soma shamamen 0,8 mln teńge. Sonymen qatar, salymshylardyń BJZQ-daǵy JZSh-na ýákiletti operatordan 28,1 mlrd teńge qaıtaryldy, bul qarajat salymshynyń ótinishi nemese ózge de sebepter boıynsha belgilengen merzimde paıdalanylmaǵan. 2022 jyldyń sáýir aıynda (01.04.22-30.04.22) jalpy somasy 2,5 mlrd teńgege 2 195 ótinish oryndaldy», dep habarlady BJZQ-nyń baspasóz qyzmeti.
2022 jyldyń 1 mamyryndaǵy jaǵdaı boıynsha, ınvestısııalyq portfeldi basqarýshylarǵa (IPB) 8,7 mlrd teńge aýdarylyp, BJZQ 5 869 ótinishti oryndady. Aýdarymnyń ortasha somasy 1,5 mln teńge.
Bul rette 2022 jylǵy sáýirde (01.04.22-30.04.22) IPB-ǵa 0,2 mln teńge aýdarý jóninde barlyǵy 2 ótinish berildi.
Qazirgi ýaqytta BJZQ zeınetaqy aktıvterin senimgerlikpen basqarýǵa qatysty tórt IPB-men shart jasasty.
Aıta keteıik, 8,7 mlrd teńgeniń 45,11% nemese 3,9 mlrd teńgesi «Jusan Invest» AQ, 28,46% nemese 2,5 mlrd teńgesi «Halyk Global Markets» AQ, 16,16% nemese 1,4 mlrd teńgesi «BCC Invest» AQ, 10,27% nemese 0,9 mlrd teńgesi «Sentras Sekıýrıtız» AQ aýdaryldy.
Esterińizge sala ketsek, BJZQ-dan zeınetaqy aktıvterin alǵannan keıin IPB olardy QR Ulttyq Banki Basqarmasynyń 2014 jyldyń 3 aqpanyndaǵy №10 qaýlysymen bekitilgen Investısııalyq portfeldi basqarý jónindegi qyzmetti júzege asyrý qaǵıdalarynda kórsetilgen jáne IPB ınvestısııalyq deklarasııasynda kózdelgen ruqsat etilgen qarjy quraldaryna ınvestısııalaıdy.
«Zeınetaqymen qamsyzdandyrý týraly Zańǵa sáıkes, IPB ınvestısııalyq basqarýdy júzege asyrǵany úshin komıssııalyq syıaqy alýǵa quqyly. IPB syıaqysynyń shekti shamasy alynǵan ınvestısııalyq tabystyń 7,5% aspaýy tıis. Komıssııalyq syıaqynyń naqty shamasyn jyl saıyn IPB-nyń basqarýshy organy bekitedi jáne ol jylyna bir ret qana ózgerýi múmkin», dep habarlady BJZQ-nyń baspasóz qyzmeti.
