Úkimet • 12 Mamyr, 2022

Bıýdjet qarajatynyń ıgerilmeý sebepteri aıtyldy

1391 ret kórsetildi

Bıylǵy 4 aıda respýblıkalyq bıýdjetten 5,6 trln teńge jumsaldy jáne 8 mlrd teńge únemdeldi. Bul týraly QR Premer-Mınıstriniń orynbasary – Qarjy mınıstri Erulan Jamaýbaev Úkimet otyrysynda aıtty,  dep habarlaıdy Egemen.kz.

«Memlekettik bıýdjettiń shyǵystary 98,8%-ke, respýblıkalyq bıýdjettiń shyǵystary – 99,4%-ke, jergilikti bıýdjetterdiń shyǵystary 98,5%-ke atqaryldy. Respýblıkalyq bıýdjet boıynsha 5,6 trln teńge jumsaldy», dedi Qarjy mınıstri.

Sonymen birge, atqarylmaı qalǵan 31 mlrd teńgeniń 8 mlrd teńgesi únemdelgen, al 23 mlrd teńgesi ıgerilmeı qalǵan.

«Ásirese Qarjy, Mádenıet jáne sport, Qorǵanys jáne Ishki ister mınıstrlikterinde ıgerilmeý kóp baıqalady. Onyń negizgi sebepteri: shart jasasý rásimderin uzaq júrgizý, tólemniń negizdiligin rastaıtyn qujattardyń bolmaýy nemese usynylmaýy, qazynashylyq organdaryna tóleýge beriletin shottardy kesh usyný, oryndalǵan jumystardyń aktileri men shot – faktýralardyń ýaqtyly usynylmaýy, memlekettik satyp alý konkýrstarynyń ótkizilmeýi», dep túsindirdi mınıstr.

Jergilikti bıýdjet shyǵystary 2,7 trln teńgeni quraǵan jáne 42 mlrd teńge ıgerilmeı qalǵan.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar