О́ńirde avtomobıl joldary men eldi meken kósheleriniń jalpy uzyndyǵy 10 038 shaqyrymdy quraıdy. Bıyl joldardy jańǵyrtýǵa 16,2 mlrd teńge qarastyrylǵan (onyń ishinde 8,3 mlrd teńgesi respýblıkalyq bıýdjetten). Bul týraly ákimdikte ótken jıynda oblystyq Jolaýshylar kóligi jáne avtomobıl joldary basqarmasynyń basshysy Baqytjan Jánibekov baıandady.
Bólingen qarjy Taraz qalasyndaǵy 9,4 shaqyrym joldy qaıta jańǵyrtýǵa jáne jalpy 605,2 shaqyrymdy quraıtyn oblystyq, aýdandyq mańyzy bar joldar men eldi meken kóshelerin jóndeýge baǵyttalady.
Jol jóndeý boıynsha barlyǵy 252 joba josparlanǵan, olar «Nurly jol», «Aýyl – El besigi», «О́ńirlerdi damytý-2025» memlekettik baǵdarlamalary jáne jergilikti bıýdjetter sheńberinde júzege aspaq.
«О́kinishke qaraı, bir joldy jóndegennen keıin kelesi jyly sol bólikti taǵy da jańalaýǵa týra kelip jatady. Bul merdigerlerdiń sapasyz jumysynyń kórinisi. Mundaı tájirıbeni toqtatatyn kez keldi», dedi oblys ákimi Nurjan Nurjigitov.
2025 jylǵa deıin jergilikti mańyzy bar 1220 shaqyrym joldy ortasha jóndeýmen qamtý josparlanýda.
Sondaı-aq jıynda qoǵamdyq kólik salasyna da kóńil bólindi. О́ńirde 165 avtobýs marshrýttary uıymdastyrylǵan, onyń 19-y oblysaralyq, 25-i aýdanaralyq, 75-i aýdanishilik jáne aýylishilik, 42-si qalalyq baǵyttar bolyp tabylady. Bul baǵyttarda 1004 avtobýs qyzmet kórsetedi.
