Úkimet • 14 Mamyr, 2022

Úkimet basshysy jumys saparymen Aqtóbe oblysyna bardy

38 ret kórsetildi

Jumys saparymen Aqtóbe oblysyna barǵan QR Premer-Mınıstri Álıhan Smaıylov óńirdiń keshendi áleýmettik-ekonomıkalyq damýy jóninde keńes ótkizip, óńir basshysyna birqatar tapsyrmalar júktedi, dep habarlaıdy Egemen.kz Úkimettiń resmı saıtyna silteme jasap.

Keńes barysynda oblys ákimi Ońdasyn Orazalın, ındýstrııa jáne ınfraqurylymdyq damý mınıstri Qaıyrbek О́skenbaev, ekologııa, geologııa jáne tabıǵı resýrstar mınıstri Serikqalı Brekeshev, aýyl sharýashylyǵy mınıstri Erbol Qarashókeev baıandama jasady.

QR Premer-Mınıstri Aqtóbe oblysynyń elimizdiń mańyzdy ónerkásiptik jáne agrarlyq óńirleriniń biri ekenin atap ótti. Munda munaı óńdeý, qurylys jáne azyq-túlik ónimderi óndirisi belsendi túrde damyp keledi.

2022 jyly respýblıkalyq bıýdjettiń naqtylanýyn eskere otyryp, óńirdi damytýǵa 150 mlrd teńgeden astam qarajat baǵyttalady. Bul qarajat joldardy jóndeýge jáne rekonstrýksııalaýǵa, gaz tasymaldaý júıesin damytýǵa, turǵyn úı qurylysyna, TKSh jáne kommýnaldyq sharýashylyq salasyndaǵy is-sharalarǵa, densaýlyq saqtaýdy, agroónerkásiptik keshendi qoldaýǵa, sondaı-aq jergilikti turǵyndardy ónimdi jumyspen qamtýǵa jumsalady.

Premer-Mınıstr azyq-túlik baǵasynyń negizsiz ósýine jol bermeý úshin azyq-túlik tapshylyǵynyń aldyn alý jáne saýda ústemesin baqylaý boıynsha josparǵa saı jumys júrgizý qajet ekenin atap ótti.

Sonymen qatar, oblys ákimdigi elimizdiń ońtústik aımaqtary men kórshi elderdiń dıhandarymen erte pisetin kókónisterdi jetkizýge tikeleı kelisimsharttarǵa otyryp, saýda jelilerimen jumys isteý kezinde «aınalym shemasy» mehanızmin keńinen qoldanýy qajet. Jalpy, aýyl sharýashylyǵy ónimderin jetkizý úshin júıeli túrde forvardtyq sharttar jasasýy kerek.

«О́ńirdiń ekonomıkasyn ártaraptandyrý – eń ózekti másele. Ol úshin bıyl óńirde jalpy quny 90 mlrd astam teńge bolatyn 30 jobany iske qosý josparlanyp otyr. Sonyń arqasynda jańa óndiristik qýat paıda bolyp, turaqty jumys oryndary qurylady. Atalǵan jumysty jalǵastyrý kerek», dedi Álıhan Smaıylov.

Sondaı-aq Premer-Mınıstr Aqtóbe qalasynda magıstraldy gaz qubyrynyń úshinshi jelisiniń qurylysyn qarjylandyrý; munaı salasynda jumys istep júrgen qyzmetkerlerdiń eńbekaqysyn arttyrý; tıisti qarjylandyrýmen «Aqtóbeniń káriz júıelerin rekonstrýksııalaý» jobasyn birinshi kezekte iske asyrylatyn jobalar tizbesine qosý; О́ńirdi damytýdyń keshendi josparyn jáne josparlanǵan ınvestısııalyq jobalardy sapaly iske asyrýdy qamtamasyz etý máselelerin qarastyrýdy tapsyrdy.

«Aqtóbeniń káriz júıelerin rekonstrýksııalaý» jobasyn birinshi kezekte iske asyrylatyn jobalar tizbesine qosý, óńirdi damytýdyń keshendi josparyn jáne josparlanǵan ınvestısııalyq jobalardy sapaly iske asyrýdy qamtamasyz etý máselelerin qarastyrýdy tapsyrdy. «Oblys basshylyǵynyń aldynda úlken jaýapty ister tur, olardyń júzege asyrylýy óńirdiń áleýmettik-ekonomıkalyq damýyna jańa serpin berip, jergilikti halyqtyń turmys deńgeıin arttyrýǵa yqpal etedi», dep túıindedi Úkimet basshysy.

Sońǵy jańalyqtar

О́rleýge bastaıtyn ózgeris

Referendým-2022 • Keshe

Altyn satyp alýdyń mańyzy

Ekonomıka • Keshe

Kókeıkesti máseleler tyńdaldy

Referendým-2022 • Keshe

Assambleıa jastary reformany qoldaıdy

Referendým-2022 • Keshe

Qan qysymy «jasaryp» barady

Medısına • Keshe

Ult ustazyna bókeılikterdiń qurmeti

Ahmet Baıtursynuly • Keshe

Aıdynǵa aqsaqa jiberildi

Aımaqtar • Keshe

Taýpisteli taǵylymy

Aımaqtar • Keshe

Talant rýhyna taǵzym

О́ner • Keshe

Aktrısa – aqtarylý

О́ner • Keshe

Yryzdyq joryǵynyń jampozdary

Aımaqtar • Keshe

Uqsas jańalyqtar