Oqý-jattyǵý áskerı sheberlik pen jaýyngerlik mashyq deńgeıin arttyrýǵa, sondaı-aq arnaıy operasııalar kúshteri bólimsheleriniń jaýyngerlik daıarlyǵyn jetildirýge baǵyttalǵan. Odan bólek, manevrlerge qatysý áskerlerdiń belgili bir tobynyń quramynda ózara is-qımyldy uıymdastyrý tájirıbesin jınaqtaýǵa múmkindik beredi.
Birinshi kezeń kompıýterlik tehnıka men elektrondyq-esepteý júıelerin qoldaný arqyly komandalyq-shtabtyq oqý-jattyǵý túrinde ótedi. Al ekinshi kezeńdi birikken bólimshelerde jaýyngerlik atyspen birge praktıkalyq is-qımyl túrinde ótkizý josparlanyp otyr.
Bıylǵy 28 mamyr men 9 maýsym aralyǵyna josparlanǵan belsendi faza barysynda áskerı qyzmetshiler qurlyqtaǵy jáne teńizdegi operasııalardy júrgizý men desant túsirý kezindegi qajetti daǵdylardy birlesip pysyqtaıtyn bolady.
Bıyl «Efes – 2022» oqý-jattyǵýyna shamamen 40 eldiń áskerı qyzmetshileri qatysyp jatyr.
Memleket basshysy Qasym-Jomart Toqaevtyń tapsyrmasyna sáıkes, 2022 jylǵy 19 qańtarda Qazaqstan Qarýly kúshteriniń qurylymynda arnaıy operasııalar kúshteriniń qolbasshylyǵy qurylǵanyn atap ótken jón.
Qorǵanys mınıstrligi kúshter men quraldardyń quramyn, qolbasshylyqtyń mindetteri men fýnksııalaryn naqtylady.
Arnaıy operasııalar kúshteri eldiń qorǵanys qabileti men áskerı qaýipsizdigin qamtamasyz etý sheńberinde, onyń ishinde terrorızmge qarsy operasııalarǵa jáne zańsyz qarýly quralymdarǵa qarsy is-qımyl jasaýǵa qatysý arqyly arnaıy mindetterdi sheshýge arnalǵan.
