Aımaqtar • 16 Mamyr, 2022

Baqanasta Qonaev eskertkishi boı kóterdi

36 ret kórsetildi

Almaty oblysyndaǵy Balqash aýdannyń ortalyǵy – Baqanas aýylynda memleket jáne qoǵam qaıratkeri Dinmuhamed Qonaevtyń eskertkishi boı kóterdi. Kúrti granıtinen qashalǵan eskertkish demeýshiler esebinen turǵyzyldy.

Taý tulǵanyń ór beınesiniń bıiktigi – 3,30 metr bolsa, tuǵyrynyń uzyndyǵy – 2 metr, jalpy eskertkishtiń tutastaı alǵandaǵy eńsesi – 5,30 metr shama­synda. Bul úlken músinniń avtory Altaı Beısenov bolsa, sáýletshisi Bekzat Beısenova eken. Baqanas aýylyna eskert­kishtiń ashylýyna oraı jer­gilikti bılik ókilderi, depýtattar, zııaly qaýym ókilderi jáne aýdan jurtshylyǵy jınaldy.

– Halqymyzdyń birtýar perzenti, memleket jáne qoǵam qaıratkeri Dinmuhamed Ahmetuly Qonaevtyń týǵanyna bıyl 110 jyl. Memleket basshysy Qasym-Jomart Toqaevtyń Jarlyǵymen Qapshaǵaı qalasyna Qonaevtyń esimi berildi. Búgin, mine, qazaqtyń aıaýly perzentine úlken qurmet kórsetilip, eńseli eskertkish ornatyldy. Iri tulǵalardyń eren eńbekterin úlgi etip, ulylardy ulyqtaý – basty paryzymyz. Dinmuhamed Qonaevtyń boıyndaǵy ultjandylyq jastarǵa juǵysty bolsyn! Qazaqtyń dara tulǵasynyń eskertkishi qutty bolsyn! – dedi jıynda sóz alǵan Almaty oblysynyń ákimi Qanat Bozymbaev.

О́z kezeginde el aldyna shyqqan Dinmuhamed Ahmetulynyń urpaǵy Eldar Asqaruly Qonaev bul kúndi tarıhı kún dep baǵalap, Dımash aqsaqal úshin ata-babasynyń týǵan jeri Baqanastyń, ondaǵy jurtshylyǵynyń jóni men joly árqashan erekshe bolǵanyn atap ótip, halyqtyń nıeti men peıiline áýletteri atynan rızashylyq bildirdi. Sondaı-aq saltanatty is-sharada sóz alǵan Par­la­ment Senatynyń depýtaty Beıbit Isa­baev halyq yqylasy men kóńilinen shyqqan tulǵaǵa degen qurmetti eshkim de, eshqandaı kúshpen toqtata almaıtynyn erekshe atap ótti. Al general-leıtenant Amangeldi Shabdarbaev «Baqanasqa Dinmuhamed Ahmetulynyń eskertkishin qoıý Balqash halqynyń armany edi, uzaq kútken arman búgin oryndaldy» dedi.

Eskertkishtiń ashylýy saltanatynan keıin Dinmuhamed Qonaev rýhyna quran baǵyshtalyp, as berildi.

 

Almaty oblysy

Sońǵy jańalyqtar

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar