Jastyq planetasy atanǵan jer

Bizdiń otbasymyz Qazaq­stan­­­ǵa qonys aýdarýshylardyń alǵash­qy leginde Ereımentaý aýdany­nyń Taıbaı aýylyna ornalas­­qan eken. Jergilikti turǵyndar­men óte tatý turdyq. Ákemniń qazaq tamyrlarynyń balalary meniń de aınymas tamyrla­ryma aınaldy. Ekin­shi dúnıejúzi­lik soǵys bas­talǵanda ákelerimiz­di, týǵan-týys­ta­ry­myzdy ózimiz de bilmeıtin alys maıdanǵa birge jylap shyǵaryp salǵanymyz esimde. Belgisiz basqynshylarǵa qarsy óshpendiligimiz kúshti bolatyn. Olardy tezirek jeńsek deıtinbiz. Sondyqtan, tyldaǵy aýyr eńbekke moıymaýǵa, qı­nalysymyzdy bildirmeýge tyrystyq. Tynym tappadyq. О́giz jegip jer jyrttyq, aýdanǵa kire tarttyq, shóp daıyndadyq. Qatalaǵan sátte kez kelgen aýyldaǵy ájelerimiz usynǵan aırannyń dámi álige deıin tań­daıymnan ketpeıdi. Sóıtip, júrip jeńiske de jettik. Biraq, bizdiń aýyr taǵdyrymyz taǵy da bir jeńisti jolǵa bastady. Es bilip qalǵan shaǵymyz ǵoı, partııanyń ortalyq komıtetiniń tyń jáne tyńaıǵan jerlerdi ıgerý týraly sheshimi tikeleı Qazaqstanǵa arnalǵandyqtan, biz onyń alǵy shebinde bolýymyz kerek dep túsindik. Jigerimizdi oblysymyzdyń Atbasar aýda­nynyń komsomoldary kóter­gen bastama odan beter kórik­ten­dirdi. Fedor Ryjenko, Petr Mambýr, Fedor Shıptenko, Grıgorıı Volodchenko sııaqty qatar­lastarymmen birge 1953 jyly Telman atyndaǵy kolhoz janyndaǵy MTS-te meha­nızatorlyq kýrsty bitirdim. Bizdiń aýdanymyz ben aýy­lymyzǵa Ýkraınadan, Bela­rýssııadan kóptegen jas mehanızatorlar men mamandar keldi. Olarmen de dostasyp ket­tik. Bizdiń sharýashylyq 1954 jyldyń naýryzynda jańar­tylǵan «DT-54» jáne «SHTZ-NATI» markaly traktorlardy ala bastady. Sonyń biri maǵan senip tapsyryldy. Men tyńgerler brıgadasyn­da 10 jyl jumys istedim. Maqsatymyz olardan qalyspaý, tipti, oza qımyldaý bolatyn. Budan keıin 20 jyldan astam ýaqyt traktor-egis brıgadasyn basqardym. Eńbegim de joǵary baǵalandy. «Qurmet Belgisi», Eńbek Qyzyl Tý orden­derimen, kóptegen medal­darmen marapattaldym. Tyńgerlerdiń basym bóligi aýylymyzda tu­raq­tap qaldy. Olar da el-jurt­­tyń qurmetine bólendi. Kol­hozymyz sovhozǵa aınalyp, Ah­metjan Qanapııanov, О́mir­taı Qulshynbaev, Maqsut Baı­mu­­rynov sıaıqty basshylarmen birge sharýashylyǵymyz áleýmettik-ekonomıkalyq jaǵy­nan gúldendi. Qazaqstandaǵy tyń ıgerý qozǵalysy jóninde ártúr­li pikirler aıtylatyny bar. Qalaı desek te, bul bizdiń taǵdy­rymyzda óshpes iz qaldyrǵan 60 jyldyq aıshyqty oqıǵa. Ol jergilikti jastardy eren isterge jigerlendirdi. San ulttyń basyn biriktirip, Qazaqstan Respýblıkasynyń ıgiligi úshin kúreske baýlydy. Ony tarıhtan syzyp tastaýǵa bolmaıdy. Tereńdeı qarap, baıyppen salmaqtap, onyń boıynan el Táýelsizdiginiń tálim tar­maqtaryn da kóre bilgenimiz jón dep sanaımyn. Táýelsizdik atalatyn asqaraly armandy Qazaqstan halqy júzege asyrdy. Fedor PANASIýK, alǵashqy tyń ıgerýshi, Ereımentaý aýdanynyń qurmetti azamaty. Aqmola oblysy.