Sot qyzmetine úmitkerlermen kezdesti

Elimizde sot qyzmetkerleri qurylymyn jasaqtaý – Joǵary Sot Keńesiniń quzyrynda. Qazaqstan Respýblıkasy Prezıdenti janyndaǵy atalǵan organ sot qyzmetiniń bos oryndaryna kandıdattar qarastyryp, olardy sot laýazymyna taǵaıyndaýǵa Memleket basshysyna usynys beredi. Jyl basynan beri Joǵary Sot Keńesiniń tóraǵasy Bektas Beknazarov oblystardy aralap, ár úmitkermen jeke kezdesý ótkizýde. Maqsat – úmitkerdiń sot qyzmeti talaptaryna sáıkestigi men daıyndyq deńgeıin anyqtaý. Joǵary Sot Keńesiniń tóraǵa­­sy B.Beknazarov kezekti kezde­sý­in shyǵys óńirinde ótkizdi. Shyǵys Qa­­zaqstan oblystyq sotynda ótken kezdesýge oblystyq sot tór­aǵasy A.Rahmetýlın, oblystyq sot­tyń oqý baǵdarlamasynyń úıles­tirýshisi A.Kenjeǵarın qatysty. Joǵary Sot Keńesiniń tór­aǵa­symen kezdesýge óńirden 40 kandıdat qatysyp, biliktilik emtıhanyn tapsyrdy jáne sot qyzmeti baıqaýyna qatysý úshin eńbek rezervine alyndy. Bektas Beknazarov ár kandıdatpen jeke kezdesý barysynda jeke málimetterimen tanysyp, eńbek ótiline, adamgershilik qa­sıetterine úńildi, sondaı-aq kandıdat tańdalǵan qyzmetke daıyndyq deńgeıiniń sáıkes keletinine nazar aýdardy. Sot qyzmetine úmitkerlerdiń zańna­malyq bilimin, onyń ishinde nor­matıvtik quqyqtyq aktiler men Zańǵa engizilgen ózgertýler men tolyqtyrýlarǵa jetiktigin tekserdi. Kandıdattar memlekettik tildi meńgerý deńgeıin baıqatatyn saýaldarǵa da jaýap berdi. Joǵary Sot Keńesiniń tóraǵa­sy Shyǵys Qazaqstan oblysynda­ǵy kandıdattardyń daıyndyq deń­geıine oń baǵa berip, basym bóliginiń joǵary kásibı biliktilik, adamgershilik qasıetterge ıe jáne sot qyzmeti laýazymyna laıyqty ekendigin jetkizdi. Sondaı-aq, sot laýazymyna kandıdatty tańdaýǵa baısaldy túrde qaraý qajettigin, sot qyzmetine taǵaıyndalǵan adamnyń eńbek ótiliniń sońyna deıin halyqtyń senimi men qur­metin aqtap, daq túsirmeýi kerektigin atap ótti. Dýman ANASh, «Egemen Qazaqstan». О́SKEMEN.