«Senatorlar Konstıtýsııaǵa usynylyp otyrǵan ózgeristerdiń mánin túsindirý úshin azamattarmen kezdesýde quraldar men alańdardyń bárin paıdalanýy tıis. Depýtattar ótken aptada óńirlerge shyǵyp, birqatar kezdesýler ótkizdi. Bul jumysty jalǵastyrý kerek. Negizgi Zańǵa engizilgen ózgerister elimizdiń árbir azamatyna qatysty. Sondyqtan halyqpen kezdesýlerde júrgizilip jatqan reformalar men Konstıtýsııaǵa usynylyp otyrǵan ózgerister týraly qarapaıym ári túsinikti tilde aıtý, sondaı-aq beı-berekettik pen bir saryndylyqqa salynbaı mazmundy ári aqparattyq kezdesýler ótkizý mańyzdy», dedi Máýlen Áshimbaev.
Otyrysqa qatysýshylar Palatanyń 2022 jylǵy 19 mamyrǵa josparlanǵan otyrysynyń kún tártibin bekitti.
Depýtattar Palata otyrysynda «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Iаdrolyq materıaldardy, radıoaktıvti materıaldardy, radıoaktıvti qaldyqtardy jáne radıasııalyq-qaýipti zattardy zańsyz ótkizýdi bolǵyzbaýdaǵy ózara is-qımyl jónindegi kelisimdi ratıfıkasııalaý týraly» jáne «1992 jylǵy 13 naýryzdaǵy Salyq saıasatynyń kelisilgen prınsıpteri týraly Táýelsiz Memleketter Dostastyǵyna qatysýshy memleketter úkimetteri arasyndaǵy kelisimniń qoldanysyn toqtatý týraly hattamany ratıfıkasııalaý týraly» zań jobalaryn qaraýdy josparlap otyr.
Bıýro músheleri Májilis maquldaǵan zań jobalarymen odan ári jumysty jalǵastyrý úshin Senattyń turaqty komıtetteri arasynda bólip berdi.
