Qazaqstan • 17 Mamyr, 2022

Alkogol ónimderin tańbalaý jáne óndirý qaǵıdalary ózgerdi

23 ret kórsetildi

 Bul týraly QR QM Memlekettik kirister komıtetinde aıtyldy, dep jazady Egemen.kz.

2022 jylǵy 17 sáýirden bastap memlekettik kirister organdarynyń «aksızdik markalardy» tańbalaý jáne berý jónindegi quzyreti alynyp tastaldy. Iаǵnı, «aksızdik markalar» degen sóz tolyǵymen alyp tastaldy, endi alkogol ónimi boıynsha esepke alý-baqylaý markalary ǵana qoldanylady. Atalǵan ózgerister QR Qarjy mınıstriniń 2022 jylǵy 5 sáýirdegi №366 buıryǵymen engizildi.

Sharap materıalyn, syra jáne syra sýsynyn qospaǵanda, alkogol ónimin esepke alý-baqylaý tańbalarymen jáne temeki buıymdaryn aksızdik tańbalarmen tańbalaý (qaıta tańbalaý) qaǵıdalarynyń jańa redaksııasyn, sondaı-aq Aksızdik jáne esepke alý-baqylaý tańbalarynyń nysandaryn, mazmuny men qorǵaý elementterin http://adilet.zan.kz/kaz/docs/V1800016444 siltemesi boıynsha kórýge bolady.

Sondaı-aq sáıkestendirý úshin QR Qarjy mınıstriniń 2022 jylǵy 14 sáýirdegi №412 buıryǵymen Aksız beketteriniń qyzmetin uıymdastyrý qaǵıdalaryna ózgerister engizildi. Qaǵıdalardyń jańa redaksııasyndaǵy «aksızdik markalar» degen sózder «sáıkestendirý quraldary» degen sózdermen aýystyryldy. О́zgertilgen Qaǵıdalarǵa silteme: http://adilet.zan.kz/kaz/docs/V1800016361

Salyq kodeksiniń baptaryndaǵy «sharap materıaly» termınderin  «tolysylǵan sharap» termınine, «syra jáne syra sýsyny» termınderin «syra qaınatý ónimine» aýystyrý bóligine ózgerister engizildi. Bul rette memlekettik retteý týraly salalyq zańda «sharap materıaly», «syra jáne syra sýsyny» degen sózder saqtalǵan. Bastapqyda ózgerister Salyq kodeksin osy jyldyń 1 qańtarynan bastap kúshine enýi tıis «Alkogol óniminiń qaýipsizdigi týraly» EAEO tehnıkalyq reglamentimen sáıkestendirý maqsatynda engizildi. Qoldaný merzimi 2024 jylǵa aýystyrylýyna baılanysty, QR salalyq zańnamasyna ózgerister engizýge týra keldi.

Tıisti ózgerister Qarjy mınıstriniń 2022 jylǵy 13 sáýirdegi №404 buıryǵymen etıl spırtin jáne (nemese) alkogol ónimin óndirýdiń tehnologııalyq jelilerin esepteýish baqylaý aspaptarymen jaraqtandyrý qaǵıdalaryna engizildi. Bul Qaǵıdalarǵa «tolysylǵan sharap» sózine «sharap materıaly» sózin tolyqtyrýǵa baılanysty ózgerister engizildi, ıaǵnı buryn tek «tolysylǵan sharap» qana boldy, endi salalyq zańdaǵydaı «sharap materıaly» sózi qosyldy. Shyn máninde, tolysylǵan sharap sharap materıaly bolyp tabylady.

Budan basqa, bıyl 1 qańtardan bastap araqtardy jáne aıryqsha araqtardy óndirý jelilerinde esepteýshi baqylaý aspaptaryna qosymsha elektr energııasyn esepteýishterdi ornatý qajet. О́zgertilgen Qaǵıdalarǵa silteme: http://adilet.zan.kz/kaz/docs/V1500012219

Sondaı-aq Memlekettik kirister komıtetinde 2022 jyldyń qańtarynan bastap syra qaınatý ónimine aksızdiń mólsherlemesi lıtrine 79 teńgeni quraıtynyn eske saldy. Oǵan deıin syra qaınatý óniminiń lıtrine stavka 57 teńgege teń bolatyn.

Sońǵy jańalyqtar

ShQO-nyń Samar aýdanyna ákim taǵaıyndaldy

Taǵaıyndaý • Búgin, 19:33

Oral qoqys astynda qalýy múmkin

Aımaqtar • Búgin, 16:47

Dollar qaıta qymbattady

Qarjy • Búgin, 15:58

Almatydaǵy órtten tórt adam qutqaryldy

Aımaqtar • Búgin, 15:40

Almatyda Pfizer vaksınasyna suranys artty

Koronavırýs • Búgin, 14:50

Uqsas jańalyqtar