Bilim • 17 Mamyr, 2022

Bolashaq stıpendııasyna qujat qabyldaý bastalady

96 ret kórsetildi

О́tinishter 2022 jylǵy 14 qazanǵa deıin Egov.kz memlekettik qyzmetter portaly arqyly qabyldanady, dep habarlaıdy Egemen.kz QR Bilim jáne ǵylym mınıstrliginiń baspasóz qyzmetine silteme jasap.

Bıyl taǵylymdamadan ótýge qujattardy qabyldaý 2022 jylǵy 5 qyrkúıekte bastalyp, 14 qazanǵa deıin jalǵasady. Konkýrstyq irikteý 2022 jylǵy 30 mamyr men 30 qarasha aralyǵynda ótedi.

Osy jyly magıstratýra men rezıdentýraǵa 385, doktorantýraǵa 60 stıpendııa bólindi.

«Memleket basshysynyń tapsyrmasymen «Bolashaq» baǵdarlamasyn qaıta baǵdarlaý prosesi iske qosyldy. Injenerlik-tehnıkalyq kadrlardy daıarlaýǵa basty nazar aýdarylady. Osyǵan baılanysty «Bolashaq» baǵdarlamasy boıynsha tehnıkalyq jáne IT mamandyqtarǵa granttar sany 60 paıyzǵa deıin ulǵaıtyldy. Bul «Injenerlik júıeler men jeliler», «Avıasııa jáne aeroǵaryshtyq tehnıka. Áýe qozǵalysyn basqarý», «Úlken derekterdi taldaý», «Jańa materıaldar tehnologııasy», «Derekter bazasyn basqarý», «Avıasııalyq tehnıka jáne tehnologııalar», «Mashına jasaý», «О́nerkásiptik avtomattandyrý» jáne t.b.», dedi QR BǴM Halyqaralyq baǵdarlamalar ortalyǵynyń basqarma tóraǵasy Ánýar Janǵozın.

Bıyl «Bolashaq» baǵdarlamasy boıynsha basym mamandyqtar tiziminde akademııalyq oqýǵa 92, taǵylymdamadan ótýge 158 mamandyq qarastyrylǵan. Eńbek naryǵynyń úrdisterin taldaý negizinde osy jyly tizilimge ınnovasııalar, jańa tehnologııalar, medısına jáne ónerkásiptik ınjenerııa, jaratylystaný ǵylymdary salasyndaǵy 40 jańa mamandyq engizildi. Sonymen qatar olardyń 17-si ataýlaryn keńeıtý arqyly burynnan bar mamandyqtarǵa endi. Jalpy, basym mamandyqtar tizimi tehnıkalyq mamandyqtarmen 30%-ǵa keńeıtildi.

«Bolashaq» halyqaralyq stıpendııasyna konkýrstyq irikteý 3 kezeńnen turady: keshendi testileý, táýelsiz sarapshylyq komıssııa múshelerimen jeke áńgimelesý jáne shetelde kadrlar daıarlaý jónindegi respýblıkalyq komıssııa otyrysynda qujattardy qaraý.

Qujattar tizimi men basqa da qosymsha aqparatpen kelesi silteme arqyly tanysýǵa bolady: https://bolashak.gov.kz/ru/pretendentu/kak-podat-dokumenty

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar