"Moı GOROD" portalynyń málimetinshe, 17 mamyrda Atyraýdyń mamandandyrylǵan aýdanaralyq qylmystyq sotynda oblys ákiminiń birinshi orynbasary Nurlan Taýbaev pen Qurylys basqarmasynyń basshysy Tımýr Basarovqa qatysty úkim shyqty.
Olar «Asa iri mólsherde para alýǵa oqtalý» baby boıynsha qylmys jasady dep aıyptaldy.
Nurlan Taýbaev kináli dep tanylyp, 10 jylǵa bas bostandyǵynan aıyryldy. Al Tımýr Basarovqa bes jylǵa bas bostandyǵynan aıyrý jazasy taǵaıyndaldy. Sonymen qatar sottalǵan eks-sheneýnikterge memlekettik qyzmette isteýge tyıym salyndy.
Eske salaıyq, 2020 jyldyń 10 qyrkúıeginde Atyraý oblysy ákiminiń birinshi orynbasary Nurlan Taýbaev pen oblystyq qurylys basqarmasynyń basshysy Tımýr Basarov para aldy degen kúdikpen ustalǵan bolatyn.
