Ekologııa • 17 Mamyr, 2022

Almaty zoobaǵy qonjyqpen tolyqty

42 ret kórsetildi

Almaty haıýanattar baǵynda Gımalaı aıýynyń tuńǵysh qonjyǵy ómirge keldi, dep habarlaıdy Egemen.kz.

Qonjyqtyń Iаshın men Ýssýrı esimdi ata-anasy ótken jyldyń mamyr aıynda Reseıden Almaty zoobaǵyna kóshirilgen. Zoobaqtyń baspasóz qyzmeti bul qonjyq - aıýlardyń tuńǵysh tóli eknenin aıtady.

«Biz buǵan óte qýanyshtymyz. Kishkentaı qonjyq 18 qańtarda týǵan. Bes aıdaı ol anasymen birge arnaıy bólmede turyp kelgen. Osy ýaqyt boıy biz anasy men qonjyqty mazalamadyq. Ýssýrı óz qonjyǵyn erekshe meıirimmen ósirip keledi. Qonjyq ósip, jetilip, kúsh-qýat jınaǵan soń ǵana olar úlken qorshaýǵa aýystyryldy. Zoobaq qonaqtary qonjyqty sol jerden kóre alady», dedi zoobaq qyzmetkerleri.

Zoobaqtyń baspasóz qyzmeti qonjyqqa esim berý úshin áleýmettik jelide oqyrmandardan jaqsy nusqalardy jazyp, usynys-pikirler qaldyrýdy surady.

«Jaqsy qoıylǵan atty jyrtqyshtar bóliminiń aıýlarǵa qaraıtyn mamandary tańdap alady. Nátıjesin birer kúnnen soń jarııalaımyz», dep qosty zoobaq qyzmetkerleri.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar