Jarysqa qatysqan jýrnalıster qaýymy eki sanat boıynsha topqa tústi. Jastar arasyndaǵy dodada alpys jasqa deıingi tilshiler baq synasa, alpys jastan asqandar ardagerler alamanyna qatysty. Eki sanat boıynsha da jıyrma tórtten jalpy sany 48 áriptesimiz júldeli oryndardy sarapqa saldy. Aldymen olar tórt-tórtten topqa bólindi. Ár toptan úzdik shyqqan eki jýrnalıst úzdik on ekiniń qataryna endi. Olardyń endi ereje boıynsha jeńilýge quqy joq.
Jastar arasyndaǵy dodanyń fınalynda «Egemen Qazaqstan» basylymynyń tilshisi Tabıǵat Musylmanqul men Nurdilda Oraz kezdesti. Úsh kezeńge sozylǵan kezdesý qorytyndysy boıynsha Nurdilda Oraz týrnır jeńimpazy atansa, Tabıǵat ekinshi oryn ıelendi. Úzdik úshtikti belgili aqyn Dáýletkereı Kápuly qorytyndylady.
Ardagerler arasyndaǵy alamanda «Kazahstanskaıa pravda» gazetiniń ardageri Maqsut Irjanov qarsylastarynan qara úzip, jeńistiń eń bıik tuǵyrynan kórinse, Kenje Jumaǵulov ekinshi, Rasýl Sirgebaev úshinshi oryn ıelendi. Júldegerlerdi dodanyń bas demeýshisi Dýlat Tastekeev pen Nurtileý Imanǵalıulynyń otbasynan kelgen azamattar marapattady. Joǵary deńgeıde uıymdastyrylǵan týrnır qorytyndysynda úzdik oıyn kórsetken birneshe áriptesimiz arnaıy atalymdar boıynsha qarjylaı syılyq aldy.
