Ekologııa • 18 Mamyr, 2022

BUU Qazaqstannyń ekologııa salasyndaǵy bastamalaryna qoldaý jasaıdy

35 ret kórsetildi

BUU klımat salasyndaǵy maqsattarǵa qol jetkizý úshin Qazaqstan bastamalaryna qoldaý jasaıdy. Bul týraly BUU-nyń Qazaqstandaǵy turaqty úleıstirýshisi Mıkaela Frıberg-Storı málim etti, dep habarlaıdy Egemen.kz.

«Jahandyq geosaıası syn-qaterler turǵysynda ekologııalyq daǵdarys pen tótenshe jaǵdaıdy baıqap otyrmyz. Sondyqtan bul salaǵa ınvestısııa salý adamdardyń bolashaǵy úshin jaqsy jaǵdaı jasaýǵa yqpal etetinin túsinemiz. Osy oraıda álem elderiniń ekologııalyq daǵdarysty eńserý boıynsha qadamdaryna Qazaqstannyń qosyp otyrǵan úlesine alǵys aıtqym keledi. 2060 jylǵa deıingi kómirtegi beıtaraptyǵy baǵyty, jańa Ekologııa kodeksi, sondaı-aq «Jasyl Qazaqstan» ulttyq jobasy men basqa da bastamalarǵa toqtalsaq, osy salada Qazaqstan durys qadamdar jasap otyrǵanyn atap ótýge bolady. Klımat máseleleri men maqsattary boıynsha BUU-nyń osyndaǵy eldik toby Qazaqstandy qoldaýdy jalǵastyra beredi», dedi Mıkaela Frıberg-Storı elordadaǵy «Stokgolm+50» sarapshylardyń ulttyq konsýltasııalarynyń qorytyndy sessııasynda.

О́z kezeginde Ekologııa, geologııa jáne tabıǵı resýrstar vıse-mınıstri Zúlfııa Súleımenova álemdegi árbir adam qorshaǵan ortaǵa yqpal etetin óziniń qyzmetine jaýapkershilikpen qarap, tabıǵat baılyǵyn qorǵaýda tyń qadamdar jasaý kerek ekenin atap ótti.

«Osyǵan baılanysty qorshaǵan ortanyń lastanýymen kúres boıynsha úzdik tájirıbelerdi taratýda azamattyq sektordyń talqylaýlarǵa qatysýy mańyzdy bolyp otyr. «Stokgolm+50» ulttyq konsýltasııalary arqyly turaqty damý modeline Qazaqstannyń tezirek ótýi tásilderin talqylaý mańyzdy. Ekonomıkany transformasııalaý men tehnologııalardy damytý esebinen álem qarqyndy ózgeristerdi ótkerip jatyr. Osy saladaǵy qadamdar klımat pen qorshaǵan ortaǵa da áserin tıgizip otyrǵany ókinishti. Elimiz kógaldandyrý salasyna qatysty tıisti jumystardy bastap ketti. Bul rette bizdiń mınıstrlik ekologııalyq qyzmetti jetildirý boıynsha aýqymdy jumystardy qamtyp otyr», dedi Zúlfııa Súleımenova.

Sońǵy jańalyqtar

ShQO-nyń Samar aýdanyna ákim taǵaıyndaldy

Taǵaıyndaý • Búgin, 19:33

Oral qoqys astynda qalýy múmkin

Aımaqtar • Búgin, 16:47

Dollar qaıta qymbattady

Qarjy • Búgin, 15:58

Almatydaǵy órtten tórt adam qutqaryldy

Aımaqtar • Búgin, 15:40

Almatyda Pfizer vaksınasyna suranys artty

Koronavırýs • Búgin, 14:50

Uqsas jańalyqtar