Prezıdent • 18 Mamyr, 2022

Prezıdent Almaty qalasynyń ákimin qabyldady

33 ret kórsetildi

Memleket basshysyna Almaty qalasynyń bıylǵy qańtar-sáýir aılaryndaǵy ekonomıkalyq jaǵdaıy týraly esep berildi, dep habarlaıdy Egemen.kz Aqordanyń baspasóz qyzmetine silteme jasap.

Osy kezeńde qysqa merzimdi ekonomıkalyq ındıkator 107,6 paıyzǵa deıin kóterilgen. Negizgi kapıtalǵa salynǵan ınvestısııanyń ósimi 21,3 paıyzǵa jetken. Qańtar oqıǵasynan keıingi qala ekonomıkasynyń ósý qarqyny ekinshi jartyjyldyqtyń basynda tolyq qalpyna keledi dep boljanyp otyr.

Prezıdentke Almatynyń 2030 jylǵa deıingi damýynyń negizgi baǵyttaryn aıqyndaıtyn basymdyqtar usynyldy.

Qasym-Jomart Toqaevqa áleýmettik mańyzy bar azyq-túlik taýarlarynyń baǵasyn turaqtandyrý sharalary týraly málimet berildi. Atap aıtqanda, maýsym aralyǵynda erte pisetin kókónister jetkiziledi. Al turaqtandyrý qory 11-den 15 mılıard teńgege deıin kóbeıgen.

Memleket basshysyna zardap shekken shaǵyn jáne orta bıznes sýbektileriniń shyǵynyn óteý jóninde bergen tapsyrmalarynyń oryndalý barysy baıandaldy. Búginge deıin quny 13,9 mıllıard teńge bolatyn 1556 ótinish maquldanǵan. Zardap shekken ShOB sýbektileriniń 97 paıyzy qańtar oqıǵasynan keıin jumysyna qaıta kirisken.

Prezıdent jekemenshik ınvestısııalardy tartý úshin Almatynyń ındýstrııaldy aımaǵyn keńeıtý jónindegi josparmen tanysty.

Erbolat Dosaev Qasym-Jomart Toqaevtyń qalada qurylystyń tyǵyz bolýyna jol bermeý jáne áleýmettik ınfraqurylymdy damytý jóninde bergen tapsyrmasynyń oryndalý barysy týraly aıtty. Sondaı-aq Memleket basshysyna Almatydaǵy nóser jaýynǵa arnalǵan káriz júıesin jańǵyrtýdyń 2025 jylǵa deıingi baǵdarlamasynyń negizgi erejeleri tanystyryldy.

Kezdesý sońynda Qasym-Jomart Toqaev birqatar naqty tapsyrma berdi.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar