Elorda • 18 Mamyr, 2022

Elordada isker áıelder qaýymdastyǵy dóńgelek ústel ótkizdi

24 ret kórsetildi

Nur-Sultan qalasynyń isker áıelder qaýymdastyǵy dóńgelek ústel ótkizdi, onda shaqyrylǵan sarapshylar referendýmda Konstıtýsııaǵa engiziletin túzetýlerdi túsindirdi, dep habarlaıdy Egemen.kz elorda ákimdiginiń resmı saıtyna silteme jasap.

«Biz búgingi qoǵamdaǵy úlken ózgeristerdiń kýágeri, qatysýshysy bolyp sanalamyz. 1995 jyldan bastap alǵash ret búkilhalyqtyq talqylaýǵa elimizdiń basty zańyna ózgerister engizý máselesi shyǵarylady. Bul ózgeristerdiń máni nede ekenin, olardyń bizge – qazaqstandyqtarǵa ne beretinin bilý úshin biz osy dóńgelek ústeldi uıymdastyrdyq.

Qyz-kelinshekter óte belsendi. Olar da óz oıyn aıtyp, memlekettik mańyzy bar isterge úles qosa alady. Referendým árbir isker áıel úshin asa mańyzdy. Máselen qala boıynsha 160, al el aýmaǵynda 2 myń kásipker áıel bar», dedi Nur-Sultan isker áıelder qaýymdastyǵynyń tóraıymy Sánııa Yrsalıeva.

Onyń aıtýynsha, Qaýymdastyq músheleri talqylaýǵa belsendi qatysyp, suraqtar qoıyp, usynystaryn aıtty.

«Spıkerlerdiń sózinen keıin kelgen jurttyń suraqtaryn qoıyp, usynystar aıtqany qýantady. Olar referendýmǵa engizilgen túzetýlerge kelisimin bildirdi», dep qosty ol.

«Qazaqstan azamattary azamattyq belsendilik tanytyp, ár tarmaǵyna aralasýyna, tolyq quqyǵyn paıdalanýǵa bet alsa deımin», dedi qalalyq máslıhat depýtaty Nazgúl Maqjan.

Esterińizge sala keteıik, 5 maýsymda Qazaqstanda Konstıtýsııaǵa engiziletin túzetýler boıynsha respýblıkalyq referendým ótedi.

Sońǵy jańalyqtar

ShQO-nyń Samar aýdanyna ákim taǵaıyndaldy

Taǵaıyndaý • Búgin, 19:33

Oral qoqys astynda qalýy múmkin

Aımaqtar • Búgin, 16:47

Dollar qaıta qymbattady

Qarjy • Búgin, 15:58

Almatydaǵy órtten tórt adam qutqaryldy

Aımaqtar • Búgin, 15:40

Almatyda Pfizer vaksınasyna suranys artty

Koronavırýs • Búgin, 14:50

Uqsas jańalyqtar