Aımaqtar • 18 Mamyr, 2022

Qarqaraly mektebine zamanaýı bıologııa kabıneti syıǵa tartyldy

38 ret kórsetildi

Qarqaraly qalasyndaǵy Orynbek Jáýtikov atyndaǵy №1 mektepke  ulaǵatty ustaz Kúlánda Nurbolqyzynyń balalary kópbeıindi  mıkroskoptarmen, aspaptarmen jáne ınteraktıvti taqtamen jabdyqtalǵan zamanaýı bıologııa kabınetin syıǵa tartty, dep jazady Egemen.kz oblys ákiminiń baspasóz qyzmetine silteme jasap.

Atalǵan mekteptegi bıologııa pániniń muǵalimi Gúlmaıra Áýbákirova synyptyń 2007 jyly ashylyp, oǵan Kúlándy Nurbolqyzynyń esimi berilgenin aıtady.

– Kúlánda Nurbolqyzy ótken ǵasyrdyń 60-jyldary bizdiń mektepte jumys istep, hımııa jáne bıologııa pánderinen sabaq berdi. Parasatty jan, maıtalman pedagog jaıyndaǵy  estelikter áli kúnge deıin onyń oqýshylary men áriptesteriniń júreginde saqtalyp qalǵan. Ulaǵatty ustazdyń balalary bizge jyl saıyn jóndeý jumystaryna kómektesip turady. Al bıyl olar kúrdeli jóndeý júrgizip, jańa jıhaz ben qurylǵylar alyp berdi, – deıdi G.Áýbákirova.R

Búginde jańartylǵan bıologııa synybynda barlyq qajetti tehnıka men aspaptar ǵana emes, adam aǵzasy qurylymynyń maketteri de bar. Kóp atqarymdy taqta mıkroskoptarǵa qosylǵan. Munyń ózi balalarmen birge tájirıbe júrgizýge jáne is júzinde olarǵa kúrdeli taqyryptardy túsindirýge múmkindik beredi.

Jańartylǵan synyptyń ashylý saltanatyna Kúlándy Nurbolqyzynyń Májiliste depýtat bolǵan uly, saıası jáne qoǵam qaıratkeri Raýan Shaekın bastaǵan balalary, sondaı-aq bir top shákirtteri jáne aýdan ákimi Erlan Qusaıyn qatysyp, eńbek sińirgen pedagog jaıly jan tebirenter estelikter aıtty.

Aıta ketken jón bolar, 883 bala bilim alatyn O.Jáýtikov atyndaǵy mektepte barlyq qajetti tehnıkalyq oqytý quraldary men dıdaktıkalyq materıaldarmen qamtamasyz etilgen bıologııa pániniń eki birdeı kabıneti bar.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar