Qoǵam • 19 Mamyr, 2022

Jeńildetilgen avtonesıe: 4 290 azamattyń ótinishi maquldandy

36 ret kórsetildi

Jeńildetilgen avtonesıege ótinish bergen 4290 qazaqstandyqtyń ótinishi oń sheshimin taýyp, 31,7 mlrd teńge kóleminde nesıe bekitildi. Bul týraly «О́nerkásipti damytý qory» AQ basqarma tóraǵasynyń orynbasary Janar Ibrasheva málim etti, dep habarlaıdy Egemen.kz.

«Qazir jeńildetilgen avtonesıe berý jumysy qarqyndy júrip jatyr. Azamattardyń ótinishin ekinshi deńgeıli bankter qabyldap jatyr. Qazirgi sátte 4290 azamattyń ótinishi oń sheshimin tapty. Oǵan bólingen nesıeniń kólemi 31,7 mlrd teńgeni qurap otyr. Búginde «Bank SentrKredıt», Halyk Bank jáne Eýrazııa banki ótinish qabyldap jatyr. Erteńnen bastap bul qatarǵa Forte Bank qosylady dep otyrmyz», dedi Janar Ibrasheva.

Onyń aıtýynsha, avtonesıege ótinish berý jumysy el kóleminde júrip jatyr.

«Statıstıka únemi ózgerip turady. Joǵaryda aıtylǵan málimet - qazirgi jaıt. Jeńildetilgen avtonesıe kádimgi nesıe alý sekildi. Iаǵnı, aldymen klıenttiń nesıeni óteý múmkindigi qaralady. Sondyqtan da keı klıentterdiń ótinishi keri qaıtarylýy múmkin. Bul týraly tolyǵyraq bankterden bilý kerek. Avtokólikke qol jetkizý de ár jaǵdaıǵa baılanysty. Klıent avtosalonǵa kelip kólikti qaraıdy, eger qalaǵan mashınasy bar bolsa, sol jerde birden rásimdeıdi. Eger klıent qalaǵan avtokólik joq bolsa, onda kútedi», deıdi ol.

Atalǵan qordan avtonesıege ótinish berýshiler boıynsha Almaty qalasy kósh bastap tur. Odan bólek, úshtikke Túrkistan oblysy jáne Nur-Sultan qalasy kirip otyr.



 

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Uqsas jańalyqtar