Elorda • 20 Mamyr, 2022

Elordada Ulttyq Onim kórmesi ashyldy

28 ret kórsetildi

Elordadaǵy Táýelsizdik saraıynda qazaqstandyq óndirýshilerdiń jyl saıynǵy Ulttyq Onim kórmesi ashyldy, dep habarlaıdy Egemen.kz.

Is-sharanyń negizgi maqsaty - shaǵyn jáne orta bıznes ókilderin qoldaý jáne damytý. Bıylǵy kórmege 350-den astam kompanııa qatysýǵa nıet bildirdi.

Nur-Sultan qalasynyń turǵyndary men qonaqtarynyń nazaryna azyq-túlik, qurylys, jıhaz jáne toqyma ónerkásibi, aýyl sharýashylyǵy taýarlary, sondaı-aq mamandandyrylǵan tehnıka men jabdyqtar, kádesyı jáne polıgrafııalyq ónimder usynylǵan.

Kórmege qatysýshylardyń arasynda jeke gıgena taýarlaryn, plastıkten jasalǵan buıymdardy, metalloplastıkany óndirýshi «Radýga» JShS, polıetılen qubyrlaryn óndirýshi «KazPolimerPlast» JShS, akkýmýlıator batareıalaryn óndirýshi «Qaınar – AKB» JShS, mamandandyrylǵan aıaq kıim óndirýshisi «Qaraǵandy aıaq kıim fabrıkasy» JShS, kilem jáne kilem buıymdaryn óndirýshi «Bal Tekstıl» JShS jáne taǵy basqa kásiporyndar bar.

r

Osymen altynshy ret ótkizilip jatqan kórme el azamattarynyń qyzyǵýshylyǵyn týdyryp qana qoımaı,  otandyq taýar óndirýshilerdiń óz ónimderin kórsetip, tájirıbe jınaqtap, tabysqa jetý jolymen bólisý alańyna aınaldy. Sondaı-aq atalǵan is-shara kompanııalar arasyndaǵy ekonomıkalyq kooperasııany keńeıtýge jáne óndiristik jańa tehnologııalardy engizýge múmkindik beredi.

Aıta ketsek, is-shara barysynda dástúrli túrde «Halyq Tańdaýy» atty taǵamdardyń dámin tatý baıqaýy ótedi. Sonymen qatar jetekshi qazaqstandyq óndirýshilerdiń áıelder men erler kıimderiniń kolleksııasy kórsetiledi.

Otandyq ónimdermen tanysýǵa nıettengen barsha jandar kórmege 22 mamyrǵa deıin bara alady.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar